Fakte për birrën, që ndoshta si keni dëgjuar më parë


Mbi 100 miliardë litra prodhohen çdo vit për të shuar etjen, për të shoqëruar ushqime të ndryshme, por edhe për të gatuar e për dhjetëra përdorime të tjera. Birra është një prej pijeve më të hershme të krijuara prej njeriut.

Birra është e lidhur me harenë e gëzimin, kështu që nuk ka si të mungojë kremtimi për këtë “dhuratë hyjnore”. Festat e birrës janë shndërruar tashmë në një traditë të bukur dhe organizohen në shumë vende të botës, duke përfshirë edhe vende aq të largëta nga njëra-tjetra si Kina e Shqipëria.

Fakte mbi birrën

Në vitin 1814 në rrugët e Londrës vërshoi birra dhe kjo njihet si Përmbytja e Madhe e Birrës. U derdhën 1.5 milionë litra birrë. Birra më e shtrenjtë në botë është ajo e firmës belge “La Vielle Bon Secour”, që kushton rreth 900 euro shishja.

  • Në mesjetë në Britani pihej më shumë birra se uji, për arsye se birra konsiderohej si më e sigurtë.
  • Çekët zënë vendin e parë në botë sa i përket pirjes së birrës, me një mesatare 143 litra për person.
  • Britanikët konsumojnë rreth 67 litra birrë për person.
  • Birra më e madhe në botë është krijuar në vitin 2002 nga “Carlsberg” në Danimarkë me një diametër prej 15 metrash.
  • Përdoruesit e parë të birrës ndoshta kanë qenë sumerët rreth 10 mijë vjet para erës sonë. Ninkas ka qenë perëndesha sumere e alkoolit dhe e birrës.

Lexo: Birra mund të ndihmojë në lehtësimin e dhimbjeve fizike

Cilat janë birrat më të shitura në botë ?

1. Birra Snow

Ndoshta nuk e dinit, por birra më e famshme në planet vjen nga Kina dhe është birra Snow.

Shitjet e birrës më të shitur në botë, Snow, u rritën 573% gjatë dekadës së fundit. Por pavarësisht popullaritetit në Kinë, kjo birrë tani shitet edhe në vende të tjera përfshi edhe SHBA.

Kjo birrë ka një çmim tepër të lire afro 1 $ për litër në Kinë.

2. Birra Tsingtao

Tsingtao është një birrë shumë e njohur në Kinë për vendasit dhe të huajt. Ajo u krijua nga bashkëpunimi gjermano-kinez, bashkëpunim shumë i frytshëm saqë e bëri këtë birrë shumë popullore brenda dhe jashtë vendit.

Në vitin 1972, Tsingtao u prezantua në SHBA, ku më pas u bë dhe birra më e shitur kineze në këtë vend.

Festa Ndërkombëtare e Birrës, festa më e madhe e birrës në Kinë dhe në Azi ka filluar të organizohet në vitin 1991. Festa nis zakonisht në fundjavën e dytë të muajit Gusht.

3. Birra Bud Light 

Ajo është birrë amerikane dhe u tregtua për here të pare në vitin 1982. Tani kjo birrë përmban më pak sheqer, pra është më e shëndetshme.

Lexo: Si po i kthen kjo birrari betejat dhe sukseset e saj në vepra arti?

4. Birra Budweiser

Edhe kjo është një birrë amerikane me ngjyrë rrëshire dhe shije të freskët. Nisi të tregtohet në SHBA për herë të parë në mesin e viteve 1800 nga Anheuser-Busch. Pas marrjes së famës u përhap në mbi 80 tregje në mbarë botën.

5. Birra Skol

Birra Skol u krijua nga kombinimi i birrës britanike, kanadeze, suedeze dhe belge në vitin 1964 me synimin për t’u bërë një markë ndërkombëtare.

6. Birra kineze Yanjing

Yanjing është krijuar në vitin 1980. Në vitin 1995, Yanjing u cilësua si birrra zyrtare e Kinës, që do të thotë se shërbehet në pritje ndërkombëtare.

7. Birra Heineken

Birra u prodhua në vitin 1864 nga Gerard Heineken në Holandë dhe me kalimin e kohës është bërë një nga më të preferuarat në treg. Ajo u bë e famshme sidomos për shijen e lehtë dhe të ëmbël që ka. Përqindja e alkoolit që përmban është 5%.

Lexo: TË VEÇANTAT e birrës më të re në Shqipëri!

8. Birra Brahma

Brahma është birra më popullore në Brazil. Ajo u prodhua në vitin 1888 nga Companhia Cervejaria Brahma, por tani është në pronësi të Anheuser-Busch InBev.

9. Birra kineze Harbin

Birra Harbin është birra më e vjetër në Kinë. Kjo birrë është më e famshme në pjesën verilindore të Kinës nga ka dhe origjinën dhe si shumë birra të tjera tani ajo është në pronësi të Anheuser-Busch InBev.

10. Birra Coors Light

Coors Light është një birrë kanadeze e lehtë dhe freskuese me 4% përbërje alkooli. Kjo birrë është më e preferuara në SHBA, Britani dhe Kanada, por kompania po punon për t’u shtrirë edhe në vende të tjera të botës. Në vitin 2008, pronari i saj Molson Coors, krijoi Molson Coors International, që synon kryesisht tregun aziatik.

Burimi: syri.net

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale