Facebook shtoi filtra selfie në aplikacionin e komunikimit Messenger duke kopjuar kështu një tjetër veçori të Snapchat, Lentet.
Përditësimi më i fundit përmban mijëra maska dhe efekte speciale të cilat aplikohen gjatë komunikimit me video në kohë reale.
Sipas Facebook, një lëvizje e tillë ishte e domosdoshme duke qenë se tashmë kamera po zëvendëson tastierën në mënyrën sesi njerëzit komunikojnë.
Së fundi kjo industri është përqendruar në shtimin e veçorive dhe funksionaliteteve të reja. Sa herë që një ofrues i një shërbimi të tillë shton diçka të re, të tjerët duhet të reagojnë menjëherë.
Snapchat i ofronte lentet me pagesë por nga muaji Janar i bëri falas për të gjithë. Megjithatë kompania gjeneron të ardhura në këtë drejtim duke tarifuar kompanitë të cilat duan të kenë markën e tyre të lenteve.
Facebook e provoi në 2013-tën të blinte Snapchat për 3 miliardë $ por dështoi. Kjo firmë ka patur një sukses të vërtetë në joshjen e të rinjve drejt rrjetit social.
Që atëherë Facebook ka aplikuar aksiomën “Copy-Paste” për çdo risi që hidhte Snapchat.
Burimi: pcworld.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
