Facebook gjobitet me 644 mijë dollarë për skandalin Cambridge Analytica


Facebook do të paguajë një gjobë prej 644 mijë dollarësh, gjobë kjo e marrë për shkelje të ligjit për mbrojtjen e të dhënave personale.

Drejtori i Përgjithshëm i Facebook-ut, Mark Zuckerberg është marrë në pyetje nga ligjvënësit amerikanë dhe ata të Bashkimit Europian, që kërkonin të dinin se si “Cambridge Analytica” arriti të sigurojë të dhënat personale të 87 milionë përdoruesve të Facebook.

Lexoni gjithashtu:

Facebook do të blejë një kompani që mundëson kontrollin e kompjuterëve me mendjen tuaj

Vitin e kaluar zyra e Komisionerit për Informim i vendosi një gjobë simbolike Facebook-ut për shkak se të dhënat e të paktën 1 milion përdoruesve britanikë ishin mes atyre të mbledhura nga “Cambridge Analytica” e që ishin përdorur për qëllime politike. Të mërkurën autoritetet e kësaj zyre thanë se fakti që Facebook kishte hequr dorë nga apelimi i çështjes e kishte rënë dakord për të paguar gjobën, nuk do të thoshte se kishte pranuar përgjegjësinë mbi rastin.

Nga ana tjetër kompania e mediave sociale tha se ishte e kënaqur që kishte arritur një marrëveshje duke shtuar se do të kishte dashur të kishte bërë më shumë për të hetuar pretendimet lidhur me “Cambridge Analytica-n” në 2015-n.

Facebook gjithashtu shtoi se që pas këtij skandali ka shtuar sigurinë për përdoruesit e tij.

TheGuardian

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale