Telefonatat me video, megjithëse janë thelbësore, shpesh u mungon natyraliteti i bisedave personale, duke shkaktuar lodhje dhe ulje të angazhimit. Ka një sërë mjetesh që ju ndihmojnë të mbani kontaktin me sy kur flisni me njerëz në internet. Disa e vendosin kamerën përpara ekranit, të tjerë përdorin AI për të modifikuar transmetimin e videos për ta bërë atë të duket sikur po shikoni kamerën. EyeQ është paisja më e re, e cila po merr një qasje të ndryshme kohët e fundit.
Pajisja e thjeshtë, por e zgjuar, ngjitet në laptop dhe nëpërmjet përdorimit të një pasqyre, ju mundëson të mbani kontaktin me sy me personin me të cilin po flisni.
Nevoja për një pajisje të tillë është më urgjente se kurrë. Një studim i kohëve të fundit nga Universiteti Stanford theksoi ndikimin e rëndë të lodhjes së video thirrjeve te punëtorët. Mungesa e lidhjes personale dhe pamundësia për të mbajtur kontaktin me sy gjatë telefonatave video janë faktorët kryesorë që kontribuojnë në këtë çështje.
“Kur merrni pjesë në një video-telefonatë, zakonisht përballeni me dilemën e zgjedhjes midis shikimit në kamer ose në ekran. Për të adresuar këtë, ne kemi zhvilluar një pajisje që kombinon të dy elementët, të ngjashëm me një “teleprompter”. Në formën e tij kompakte, ai i ngjan një iPad Pro, por mund të shpaloset dhe montohet në laptop”, shpjegon Gert Maass, themeluesi dhe CEO i eyeQ.
“Kjo pajisje përmban një pasqyrë transparente, që ju lejon të shihni përmes saj ndërsa një aparat fotografik i vendosur poshtë gjysmëpasqyrës regjistron imazhin tuaj. Është projektuar për instalim të lehtë, duke marrë vetëm disa sekonda dhe lidhet nëpërmjet një kablloje USB. Kjo pajisje është e adaptueshme si për laptopët ashtu edhe për monitorët e desktopit”, shtoi ai.
Pajisja pritet të dërgohet në qershor 2024 dhe është në përputhje me të gjitha platformat kryesore video. Vjen në tre madhësi për t’iu përshtatur çdo ekrani dhe përfshin një kamerë Ultra HD 4K, një mikrofon dixhital dhe një mbulesë elegante të bërë nga lëkura e ricikluar.
“Fokusi ynë kryesor është në tregjet e kujdesit shëndetësor dhe konsulencës në internet, ku krijimi i kontaktit autentik me sy është thelbësor. Zgjidhja jonë ofron një pamje më natyrale në krahasim me opsionet ekzistuese të bazuara në AI,” thotë Maass.
Zgjidhja është elegante, me përjashtim të faktit se bëhet e vështirë për të shkruar kur pajisja është e instaluar në laptop, nuk është problem nëse keni një tastierë të jashtme, natyrisht, por kjo do të thotë se është më shumë për njerëzit që kanë një organizim zyrtar më të qëndrueshëm.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
