Evente biznesi gjatë muajit shtator

Evente biznesi gjatë muajit shtator


Shtatori nis vrullshëm me punë dhe projekte të reja. Pasi keni bërë pushime edhe pas pushimeve, për tu relaksuar më mirë është koha t’i ktheheni realitetit dhe ditëve produktive.

Këto janë disa nga eventet gjatë muajit shtator ku nuk duhet të mungoni:

TEDxTirana 2018 – Lidhshmëria

Është viti i pestë që mbahet në Tiranë një nga eventet më të suksesshëm ndërkombëtarë. Nuk e ke ndjekur asnjëherë më parë? Më 15 shtator, pranë Qendrës Kulturore tek Katedralja Orthodokse, do të mbahet TEDxTirana 2018. Tema e përzgjedhur këtë vit do të jetë Connectivity apo Lidhshmëria.

A është e vërtetë se jemi më të lidhur tani sesa kemi qenë ndonjëherë? Si ka ndikuar kjo në ndërveprimin tonë njeri me njeri? Si e ka formësuar media sociale raportimin dhe gazetarinë siç e njohim? Cilat janë disa ndryshime të mëdha socio-kulturore që erdhën me revolucionin dixhital? Për këto pyetje dhe më shumë, mos humbisni eventin.

Global Woman: “Ti mund të ndryshosh botën”

Mirela Sula sjell konferencën “Ti mund të ndryshosh botën” në Tiranë. Është pikërisht eventi që ju duhet për të marrë veten nga pushimet. Një event energjik dhe motivues. Një konferencë dy ditore nga Global Woman që do të zhvillohet në datat 8 dhe 9 Shtator 2018, i ftuar special këtë vit është Dr. Ervin Laszlo, dy herë i nominuar për Çmimin Nobel për Paqen.

Ky event do të jetë një ndihmë për të gjithë ata, të cilët besojnë në vlerat femërore që ndajnë gratë dhe burrat, si dhe nevojën për ta bërë këtë botë më të barabartë, humane dhe të qëndrueshme.

Festivali i Inovacionit

Festivali i Inovacionit vjen në Tiranë në datat 18-20 Shtator. I pari i këtij lloji në rajonin tonë, ky event është për çdo biznes që operon në treg dhe ka një sfidë të përhershme për të ruajtur dhe mbrojtur një pozicion të caktuar në treg.

Bashkohuni për të promovuar dhe njohur praktikat më të mira, idetë dhe projektet e reja në Tiranë.

LibreOffice Conference 2018

LibreOffice Conference 2018 është një vend i mrekullueshëm për t’u takuar me përdoruesit, mbështetësit dhe programuesit e tjerë të LibreOffice! Këtë vit ky event do të mbahet në Tiranë më 25 shtator – 28 shtator 2018. Nëse dëshironi të bashkoheni, fillimisht sigurohuni që të regjistroheni: https://conference.libreoffice.org

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0