Euro pëson rënie të thellë që prej 2012-ës


Monedha e përbashkët europiane ka shënuar një tjetër rënie të fortë ditën e djeshme në tregun e brendshëm, duke u këmbyer me 138.43 lekë, duke shënuar rënie me 0.29 lekë, në raport me ditën paraardhëse. Euro përjeton nivelin më të ulët të saj që nga korriku i vitit 2012, sipas të dhënave historike nga Banka e Shqipërisë.

Dy janë arsyet e kësaj rënieje të euros:

Së pari, ajo është zhvlerësuar ndjeshëm në tregun ndërkombëtar, duke u këmbyer  me 1.07 dollarë ditën e djeshme, niveli më i ulët në 6 muaj, si rrjedhojë e dobësisë së bursave europiane.

Së dyti, edhe kërkesa në tregun e brendshëm është e ulët, sipas aktorëve të tregut, për shkak të ngadalësimit të importeve dhe tkurrjes së aktivitetit tregtar nga masat e forta të aksionit anti-informalitet. Në shtator, importet u tkurrën me 7% me bazë vjetore.

Në të kundërt, dollari është ngjitur mbi 128 lekë, por mbetet ende larg niveleve rekord të 11 viteve të fundit, të arritur në mars 2015, kur u këmbye me 133 lekë.

Kërkesa e dobët në tregun e brendshëm ka bërë që sjellja e euros të jetë e ndryshme nga fillimi i këtij viti, ku monedha e përbashkët ra në tregjet ndërkombëtare, në Shqipëri mbeti në kuotën e 140 lekëve, teksa ruajtja e raportit euro/dollar të bursave ndërkombëtare u reflektua në mbiçmimin e ndjeshëm të dollarit.

/Balkanweb/

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale