Epoka 'Tesla' po mbërrin, thyhet dominanca me dekada e europianëve - Business Magazine Albania

Epoka ‘Tesla’ po mbërrin, thyhet dominanca me dekada e europianëve


Audi, BMW, Mercedes-Benz dhe Porsche kanë dominuar gjatë rankimet e automobilave më të mirë në botë duke e bërë Gjermaninë lidere të disa prej markave më të mira dhe të përfitueshme të industrisë së automobilave. Por Tesla Motors, makina elektrike Model 3 e së cilës gjeneroi 325,000 porosi vetëm në javën e parë të debutit në Prill, i “kërcënon” këto të fundit në një mënyrë që Lexusi i Toyotës nuk e bëri dot kurrë. Ndërsa statistikat për Model 3- 200 milje me një furnizim të vetëm me karburant dhe një çmim të fillimit prej 35,000 $- e rreshtojnë atë me tregun e Chevrolet Bolt të General Motors, CEO i Tesla Elon Musk ka thënë se makina më e përballueshme ekonomikisht e tij duhet të perceptohet si konkurrente e luksozeve të serisë 3 të BMW apo të Audi A4.

stat

Përveçse mburrjes, të dhënat nga blerjet e automobilave tregojnë më shumë rreth asaj që pretendon Musk, CEO i Tesla. Blerësit e Tesla blejnë brandet luksoze gjermane më shumë se çdo linjë tjetër makinash para se të bëjnë vendimin e blerjes, sipas website-it Edmunds.com. Pothuajse 30 për qind konsiderojnë BMW, dhe rreth 20 përqind hedhin sytë nga modelet Audi dhe Mercedes, ndërsa 12 përqind psonisin Porsche, sipas Edmunds. Duket qartë se brandet gjermane janë vulnerabël ndaj ‘tradhtisё’ së konsumatorëve ndërsa Tesla rritet.

Drejtuesit e lartë të prodhuesve të makinave tё kampit rival ankohen rreth gjurmimit të dobët të vonesave në prodhim qё u bёn Tesla automjeteve dhe humbjeve të vazhdueshme financiare. Por gjithsesi nuk mund ta injorojnë faktin se produktet e Musk janë kthyer në pasion për konsumatorët, gjë që prodhuesit e traditës të makinave për dekada s’e kanë arritur. “Kapelja e inovacionit po lëviz në drejtim të ri tani,” thotë Håkan Samuelsson, CEO i Volvo Cars. “Faktori vendimtar është ajo që ndodh brenda mendjeve të njerëzve,” thotë Jürgen Pieper, një analist i Bankhaus Metzler. “Shumë po shikojnë te Tesla inovacionin që gjermanëve po u mungon.”

Kur Tesla avancon dhe Apple ‘kërcënon’ të futet në industrinë e makinave, vitet e fundit markat gjermane po u drejtohen koncepteve të makinave elektrike. Por këto makina janë vite larg, kurse Tesla planifikon shpërndarjen e Model 3 në fundin e vitit 2017. “Ka mundësi që teknologjia e prodhimit të makinave të spostohet në Shtetet e Bashkuara pas 30 viteve të dominimit të europianëve,” shprehet Samuelsson nga Volvo.

 

/Bloomberg

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Ndërto diçka që njerëzit e duan dhe gjithçka tjetër do të vijë vetvetiu.”
— Paul Graham
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0