Epitech, institucioni më i madh francez i edukimit në fushën e Teknologjisë së Informacionit, tashmë vjen edhe në Shqipëri.

Ku mund të formohen informaticienët e së ardhmes në Shqipëri?


Epitech, institucioni më i madh francez i edukimit në fushën e Teknologjisë së Informacionit, tashmë vjen edhe në Shqipëri.

Në të vërtetë, në vitin 1917, në Korçë, qytetin juglindor të Shqipërisë, është krijuar një lice francez. Deri në vitin 1939, ky lice ka formuar një pjesë të elitës shqiptare dhe ka kontribuar shumë në traditën e fortë frankofone të këtij vendi.

100 vjet më vonë, një tjetër shkollë franceze, me objektiv ekselencën, vendoset në Shqipëri.

Epitech, Universiteti i Inovacionit dhe Ekspertizës Informatike është krijuar në Francë (Paris). Ai tashmë numëron rreth 6,400 studentë në të gjithë Francën.

Në Shqipëri, ashtu si në vendet e tjera ku operon, Epitech ka një rol thelbësor për të luajtur në ekspertizën e nesërme në të gjitha fushat e teknologjisë së informacionit.

Në një botë në ndryshim të vazhdueshëm, ku vetëm njohuria nuk mjafton si garanci për sukses, një universitet si Epitech garanton sukses bazuar në një model të ri pedagogjik. 100% e studentëve Epitech janë nëpër kompani në përfundim të studimeve të tyre.

Më shumë se vetëm një mësim i thjeshtë,  Epitech sjell arsimimin e tij të qëndrueshëm që u mundëson studentëve të jenë udhëheqësit e revolucioneve teknologjike të së sotmes dhe të së nesërmes. Duke bashkëpunuar ngushtë me aktorët më të mëdhenj ekonomikë në sektor dhe me institucione prestigjioze të arsimit të lartë në të gjithë botën, Epitech ka fituar një reputacion të përsosur në mesin e shkollave të mëdha franceze.

Ky edukim i kërkuar nga kompanitë është i bazuar në një model të ri që fokusohet në tri cilësi gjithnjë e më të kërkuara: përshtatshmëria, vetëzhvillimi, kuptimi i projektit.

Sektori dixhital është një potencial në rritje në rajonin e Ballkanit. Në Shqipëri, në tërësi, studimet në degën e informatikës të ofruara nga universitet kanë mbetur në nivel teorik akademik dhe jo mjaftueshëm në përputhje me kërkesat e tregut. Me pedagogjinë me bazë projekti të zhvilluar nga Epitech, studenti përfshihet në zemër të problematikave të vërteta të kompanive.

Për këtë, Epitech ndërton në të përditshmen e tij, situata me të cilat përballen studentët, shpesh në grupe pune. Studentët duhet t’i zgjidhin ato duke përzgjedhur njohuritë dhe aftësitë e duhura, duke u nisur nga burimet që kanë në dispozicion, ashtu siç do silleshin në një kompani të vërtetë. Realizimi i këtyre projekteve kërkon aftësi, metodologji pune, kompetenca humane dhe teknike, kapacitet inovimi dhe krijimi. Duke qenë aktor i edukimit të tij, aktiv në fitimin e kompetencave, studenti transformohet në një profesionist të aftë për t’iu përgjigjur pritshmërive të kompanive.

Periudha më e veçantë e programit Epitech, “Pishina”, është një kalim i detyrueshëm për të gjithë studentët e rinj. Gjatë 4 javëve të para, ritmi i punës është intensiv për të shënuar fillimin e studimeve të larta. Investim personal, shkëmbime dhe bashkëpunim janë pikënisjet e një bote të re të të mësuarit: detyra për t’u dorëzuar çdo ditë në orë fikse, seanca të punëve praktike me mbikqyrës, kontrolle të vazhdueshme.

Objektivi është që gjithsecili të fitojë bazat e menjëhershme të nevojshme. Ata të cilët kanë programuar më përpara, mësojnë reflekset e duhura duke ndihmuar të rinjtë e ardhur për të arritur të njëjtin nivel.

Ndërmjet vitit të 1-rë dhe të 2-të, studentët kanë mundësinë të vlerësojnë formimin e tyre falë një stazhi 4-6 muaj. Kjo eksperiencë e parë profesionale shënon dhe hyrjen e tyre në tregun e punës, gjë e cila përfshin një nga objektivat të pedagogjisë Epitech, të dish si të sillesh në një kompani.

Në përfundim të vitit të 3-të, të gjithë studentët bëhen pjesë e një projekti inovativ, “EPITECH Innovative Project” (EIP), i cili shtrihet në dy vite dhe punohet në grupe. Ndër të tjera, në vitin e tretë orari i studimeve është ndërtuar në mënyrë të tillë që t’i lejojë studentët të punojnë dy ditë në javë  në kompani. Ky ritëm i alternuar i mundëson studentit të ketë një post në kompani dhe të futet në tregun professional, duke qenë njëkohësisht i paguar. Në përfundim të vitit të 3-të, studentët marrin një diplomë Epitech Bachelor në Teknologji Informacioni.

Në vitin e 5-të, studentët mund të aplikojnë për një diplomë të dyfishtë Master Administrim Biznesi pranë “l’Institut supérieur de gestion ISG”, si plotësuese e diplomës Epitech. Në përfundim të vitit të pestë, studenti Epitech përfiton Master “Ekspert teknologjie i nivelit të parë Epitech”, i aprovuar nga shteti francez.

Epitech Albania pranon regjistrimet për studentët e saj vetëm pas përfundimit të matures. Kanditatët do të seleksionohen mbi bazën e intervistës motivuese, testit të anglishtes dhe testit logjik. Të gjithë të apasionuarit mbas informatikës, janë të mirëpritur.

Vitin e parë Epitech Albania do të vendoset tek Tirana Business Park, pranë Aeroportit të Rinasit, Tiranë. Vitin e ardhshëm, do të ketë kampusin e saj i cili do të jetë një residencë universitare për të mirëpritur në kushtet më të mira studentë nga Shqipëria dhe ndërkombëtar, të cilët dëshirojnë të jenë aktorë të rëndësishëm të revolucionit teknologjik.

Epitech është pjesë e grupit të edukimit IONIS , grupi i parë i arsimit të lartë privat në Francë. Si pjesë e një politike aktive të ndërkombëtarizimit të tij, grupi IONIS ka hapur këtë vit degë në Barcelonë, Berlin, Bruksel tashmë dhe në Tiranë.

Për më tepër informacion, vizitoni faqen web: www.epitech.al

Epitech

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0