EMA rishikon efikasitetin e vaksinës ruse Sputnik V - Business Magazine Albania

EMA rishikon efikasitetin e vaksinës ruse Sputnik V

Komiteti i barnave në Agjencinë Europiane për medikamentet ka nisur të rishikojë efikasitetin e vaksinës Sputnik V, një vaksinë për COVID-19 e zhvilluar nga Qendra Kombëtare e Epidemiologjisë dhe Mikrobiologjisë Gamaleya të Rusisë. Vendimi i EMA për të filluar rishikimin bazohet në rezultatet e studimeve laboratorike dhe studimeve klinike tek të rriturit. Këto studime tregojnë se Sputnik V shkakton prodhimin e antitrupave dhe qelizave imune që synojnë koronavirusin SARS-CoV-2 dhe mund të ndihmojnë në mbrojtjen kundër COVID-19.

EMA do të vlerësojë të dhënat ndërsa ato bëhen të disponohen për të vendosur nëse vaksina mund të përdoret në Europë ose jo. Në faqen zyrtaret agjencisë thuhet se EMA do të vlerësojë efikasitetin e Sputnik V me standardet e zakonshme të BE-së për efektivitetin, sigurinë dhe cilësinë. Ndërkaq ende nuk është parashikuar afati kohor se deri kur do të vijojë procesi për të përfunduar rishikimin e vaksinës. EMA ka deklaruar më se do të komunikojë më tej kur të jetë dorëzuar aplikimi për autorizimin e marketingut për vaksinën.

LEXO: Pse Shqipëria refuzoi vaksinën “Sputnik V”

Si funksionon vaksina?

Sputnik V funksionon duke përgatitur trupin për t’u mbrojtur nga infeksioni me virusin SARS-CoV-2. Ky virus përdor proteina në sipërfaqen e tij të jashtme, të quajtura proteina spike, për të hyrë në qelizat e trupit dhe për të shkaktuar COVID-19. Sputnik V përbëhet nga dy viruse të ndryshme që i përkasin familjes adenovirus, Ad26 dhe Ad5. Këto adenovirusë janë modifikuar për të përmbajtur gjenin për krijimin e proteinave spike të SARS-CoV-2. Ato nuk mund të riprodhohen në trup dhe nuk shkaktojnë sëmundje. Të dy adenoviruset jepen veçmas: Ad26 përdoret në dozën e parë dhe Ad5 përdoret në të dytën për të rritur efektin e vaksinës. Pasi të jetë dhënë, vaksina sjell gjenin SARS-CoV-2 në qelizat në trup. Qelizat do të përdorin gjenin për të prodhuar proteinën spike dhe kështu sistemi imunitar i personit do ta trajtojë këtë proteinë spike si të huaj dhe do të prodhojë mbrojtje natyrore, antitrupa dhe qeliza T, kundër kësaj proteine.

Nëse, më vonë, personi i vaksinuar bie në kontakt me SARS-CoV-2, sistemi imunitar do të njohë proteinën spike në virus dhe do të jetë i përgatitur për ta sulmuar atë. Antitrupat dhe qelizat T mund të punojnë së bashku për të vrarë virusin, për të parandaluar hyrjen në qelizat e trupit dhe shkatërrimi i qelizave të infektuara, duke ndihmuar kështu në mbrojtjen nga COVID-19.

EMA

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0