Elon Musk zbulon datën e lançimit të "Model 3" të Tesla - Business Magazine Albania

Elon Musk zbulon datën e lançimit të “Model 3” të Tesla


Tesla do të lançojë versionin e prodhuar të “Model 3” në muajin Korrik, lajmëroi CEO i saj Elon Musk nëpërmjet Twitter të Enjten.

Musk së pari zbuloi në Mars të vitit 2016 një koncept të “Model 3”, e cila do të jetë makina e parë e prodhuar në masë e Teslës. Megjithatë, ky nuk ishte dizajni përfundimtar i automjetit dhe ambienti i brendshëm i makinës nuk u tregua.

Është e mundur që Tesla më në fund të zbulojë më shumë detaje në lidhje me ambientet e brendshme të makinës në eventin e ardhshëm dhe të bëjë disa ndryshime të vogla në pjesën e jashtme.

Musk tha gjithashtu nëpërmjet Twitter të Enjten se kompania do të shfaqë një kamion elektrik në Shtator dhe ky do të jetë kamioni i parë me sistem ritransmetimi në 24 muajt e fundit.

Musk më parë ka thënë se “Model 3” do të mund të përshkojë një largësi prej të paktën 215 milje dhe do të jetë me çmim 35.000$, duke e bërë atë një konkurrent të drejtpërdrejtë me GM Chevy Bolt.

Kërkesa për makinën e parë të përballueshme të Teslës ka qenë mbreslënëse. Deri më tani, rreth 400.000 njerëz kanë porositur automjetin, i cili do të shkojë në prodhim gjatë gjysmës së dytë të vitit.

Përgjigjia e fortë ndaj “Model 3” ka bërë që kompania të vendosë disa objektiva ambicioze në prodhim.

Tesla ka për qëllim të prodhojë 500.000 makina në vit duke filluar që nga 2o18 dhe 1 milionë automjete në vitin 2020. Për ta kuptuar këtë, Tesla ka prodhuar vetëm 76.000 automjete në vitin 2016.

“Model 3”, do të jetë më i lehtë se automjetet Model S dhe X të tanishme për t’u prodhuar, të cilat duhet të ndihmojnë kompaninë të arrijnë qëllimet e vëna, është shprehur Musk.

“Model 3 është vetëm një version më i vogël, më i përballueshëm i Model S me më pak diapazon shpejtësie & fuqie dhe me më pak funksionalitete,” tha Musk nëpërmjet Twitter në Mars. “Model S ka teknologji më të avancuar.”

Ndërkohë që kjo mund të jetë e vërtetë, Musk tha gjithashtu se “Model 3” do të vijë i pajisur me hardware autopilot që mund të aktivizohet me njëfarë tarife. Për më tepër, makina e re do të mund të vijë me opsionin e një çatie diellore.

burimi: BusinessInsider 

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0