CEO i Tesla dhe SpaceX, Elon Musk tha se nuk do ta merrte vaksinën kundër COVID-19, kur ajo të ishte në dispozicion.
Në një intervistë me gazetaren Kara Swisher, Musk nuk pranoi të thoshte nëse ai e ndjen për detyrë të paguajë punonjësit, që duan të qëndrojnë në shtëpi për të shmangur infektimin me COVID-19.
“Unë nuk jam në rrezik nga COVID, as fëmijët e mi”, tha Musk gjatë episodit të së hënës të podcastit të New York Times “Sway”.
Musk ka kultivuar prej kohësh një personazh publik të një sipërmarrësi të çuditshëm, që di më mirë se ekspertët dhe nuk ka frikë të ofrojë mendime kontravers.
Ai gjithashtu dënoi kufizimet në të gjithë globin dhe në SHBA në veçanti, duke iu referuar atyre si ‘jo etike’ dhe ‘arrest shtëpie de facto’. Musk tha se bllokimet e përhapura ishin një gabim dhe vetëm njerëzit në rrezik duhet të karantinohen ‘derisa të kalojë stuhia’.
Kur u pyet për rrezikun për punonjësit e tij dhe familjet e tyre, ai u përgjigj troç: “Të gjithë vdesin një ditë.” Nëse një nga punonjësit e tij do t’i thoshte se ardhja në punë do të vinte në rrezik familjen, Musk tha se ai thjesht do t’i thoshte “të qëndronte në shtëpi”.
Ai nuk pranoi të sqaronte nëse do të ndihej i detyruar t’i paguante këta punonjës. Kur Sëisher bëri presion, Musk kërcënoi se do t’i jepte fund intervistës. “Le të vazhdojmë… Kara, unë nuk dua të futem në një debat rreth Covid, kësaj situate … Nëse do ta përfundojmë podcast-in, atëherë e lemë me kaq.”
49 vjeçari milarder kritikoi Bill Gates, i cili në fund të korrikut i tha gazetarit Andrew Ross Sorkin se Musk duhet t’i përmbahej gjërave, që di të bëjë më mirë.
“Ai nuk është shumë i përfshirë në vaksina. Ai prodhon makina elektrike të shkëlqyera. Dhe raketat e tij funksionojnë mirë. Kështu që atij i lejohet të flasë për këto gjëra. Shpresoj që ai të mos ngatërrohet në gjera ku nuk është përfshirë shumë”, tha Gates.
Musk u përgjigj në podcast në mënyrën e tij tipike të hapur: Është sikur, hej, idiot, ne në fakt prodhojmë makineritë e vaksinave për CureVac, atë kompani në të cilën ke investuar.” – shpjegoi Musk, duke iu referuar faktit që prodhuesit e Tesla prodhojnë makineri për CureVac.
Nuk është hera e parë që Musk kritikon bashkëthemeluesin e Microsoft.
Kur Gates shkroi një blog për dyshimet e tij mbi potencialin e automjeteve elektrike, Musk shkroi në Twitter se Bill “nuk ja ka idenë”.
Lexoni: Elon Musk përballë Bill Gates, replikë për makinat elektrike
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English