Ekzekutivët Europianë të Telekomunikacionit i bëjnë thirrje BE-së të përqëndrohet tek shërbimet e reja dixhitale


ALBtelecom ndër firmëtarët mes kompanive më të mëdha europiane.

Shoqata Europiane e Operatorëve të Rrjetit të Telekomit (ETNO) ka lëshuar një deklaratë të nënshkruar nga Drejtorët e Përgjithshëm të anëtarëve të saj për të theksuar se përdorimi i gjerë i infrastrukturës dixhitale të gjeneratës tjetër, si dhe zhvillimi i shërbimeve të reja digjitale do të jenë thelbësore nëse Europa do të arrijë qëllimet e saj ambicioze socialo-ekonomike.

ETNO skicoi një sërë fushash ku duhet të përqëndrohej për të arritur pozicionin e liderit dixjital, përfshirë një politikë industriale në mbarë BE-në, e cila mundëson që bizneset europiane të bashkëpunojnë dhe konkurrojnë në zinxhirin global të vlerave dixhitale, me anë të “një ambienti rregullator të qëndrueshëm mes tyre, por edhe përmes rregullave të dreja e të balancuara për konkurrencën me lojtarët globalë”. Kompanive që operojnë në vendet e BE-së t’u krijohen hapësira që të inovojnë më tej, veçanërisht në të dhëna, IoT (internet i gjërave) dhe AI (inteligjencë artificiale), tha ETNO. “Europa duhet të veprojë me frymën e partneritetit midis të gjithë aktorëve publikë dhe privatë,” – u theksua në deklaratë.

Lexo: Të gjithë pas Samsung. Të pakët ata që tentojnë ndryshimin

Objektivat e tjerë kryesorë përfshijnë uljen e barrierave për përhapjen e infrastrukturave gigabit dhe nxitje të fuqishme të investimeve, si dhe nevojën për të adresuar në mënyrë aktive tregun e copëzuar europian të telekomit, duke inkurajuar investitorët të ndërtojnë më shumë në nivel kombëtar dhe ndërkufitar në infrastrukturë, shtoi shoqata. Kjo deklaratë u nënshkrua gjithashtu nga Drejtori i Përgjithshëm i ALBtelecom, Z. Tahsin Yılmaz ndër drejtorët e tjerë të përgjithshëm të kompanive udhëheqëse në Europë si: Deutsche Telecom, Swisscom, Telenor, TIM, Telefonica dhe kompani të tjera telekomunikacioni në Europë.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale