Ekuilibri i jetës

Ekuilibri i jetës


Nga Arlinda Çausholli, gazetare, publiciste

I kisha ngulur sytë brumit të picës që hapej me shpejtësinë e lëvizjes së ajrit ndërsa rrotullohej në gishtërinjtë e djaloshit që e kishte ndalur vështrimin diku. Pica hidhej lart, zbriste poshtë….hapej…..hapej…..kaloi për një çast pas kurrizit të tij, ku e priste dora tjetër që e ndihmoi të shkonte lart prapë, dhe e hapi më tej….Në fytyrë i kishte rënë disi pluhuri i miellit, por e bardha i shkonte.

Lexo: Ministria e Shëndetësisë: Shkollat qëndrojnë të mbyllura deri në përfundim të gjendjes së epidemisë

Këta jemi ne…..Biem poshtë, ngrihemi, fluturojmë, rrotullohemi, diku bëhemi më të ndjeshëm, diku bëhemi më të ngurtë e diku na hapet një zbrazëti që nuk mbyllet më. Por mënjanë vështirësive të shumta që na jepen pa kursim nga shoqëria ku jetojmë, sepse vendin e kemi të bukur, besoj fort se kemi më shumë gjëra që na bashkojnë, sesa na ndajnë.

Kam takuar më shumë se njëqind njerëz këtë vit. E kisha programuar më saktë, t’i takoj. Njerëz me profesione të ndryshme, mosha të ndryshme, me aftësi të ndryshme, me mendje të ndryshme, me pasione, me ëndrra, me dëshira të fshehura, me të thëna dhe të pathëna. Njerëz të bukur, megjithëse në dukje të padepërtueshëm, ca në prag pesimizmi, ca në prag gëzimi, ca të mbijetuar nga sëmundjet, ca të rilindur nga ndjesia e mrekullueshme e të bërit prindër për herë të parë, ca me pasionin e fjalës, ca me pasionin e natyrës, sportit apo librave.

Pavarësisht se mund të përplasemi përditë me ngjarje të stisura vrullshëm nga një kategori që nuk përfaqëson një vend të tërë dhe që mund të ndikojë në gjallërinë e një dite të re, pjesa dërrmuese e jona zgjohet në mëngjes me dëshirën për të jetuar qetë, për të parë fëmijët të rriten të shëndetshëm dhe të arrirë, për të punuar dhe për të lënë gjurmë të mira, me dëshirën për të kontribuar për shoqërinë dhe për të qenë të guximshëm ndaj ndryshimeve.

Lexo: Të mbash shpinën drejt. Ja përse është e rëndësishme për shëndetin.

Lum ai që ka kurajon të përplaset andej-këtej si brumi i fillimit të këtyre rrjeshtave dhe të hapë mendjen, ta dashurojë të mirën dhe ta flasë me zë të lartë. Me zërin më të lartë që ka. Duhet të ndjehet i fortë. Forca krijon ekuilibër. Ekuilibri i mbijeton çdo lëvizjeje të furishme, si ajo e picës që po shihja unë…. U bë njësh me hapësirën, por kthimi në duart që e lëshuan ishte pambarimisht i sigurtë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0