Ekosistemi i startup-eve në Shqipëri “takohet online” - Business Magazine Albania

Ekosistemi i startup-eve në Shqipëri “takohet online”

Ekosistemi i startup-eve

A kemi ekosistem të startup-eve në Shqipëri?  Cilat janë problemet që ky ekosistem ka? A zgjidh ndonjë prej këtyre problemeve draft ligji i startup-eve?

Për të gjitha këto pyetje, Barleti Hub në bashkëpunim me Tripel City organizuan një round table online më datë 18 nëntor 2020, për t’u dhënë përgjigje disa prej tyre, pikërisht gjatë Javës Globale të Sipërmarrjes.

Me synimin për të pasur përfaqësues sa më shumë nga ekosistemi, folësit e ftuar të këtij takimi ishin akademikë, sipërmarrës dhe lehtësues të ekosistemit, si:

– Dr. Rezart Prifti, Fakulteti i Ekonomisë-UT;

– Prof. Dr. Zana Guxholli, Zv/Rektor për Kërkim dhe Inovacion, Universiteti Barleti;

– Kushtrim Shala, founder i ICTSLab;

– Dritan Mezini, duapune.com;

– Gerti Boshnjaku, New Media Communications;

– Jetona Myteveli, programi IDEA.

Gjatë diskutimit, të gjithë folësit theksuan se tashmë kemi një ekosistem të startup-eve në Shqipëri pasi prej vitesh, në mënyrë individuale ose dhe me bashkëpunim ndërmjet tyre, ka pasur zhvillime në ekosistem si: organizimi i eventeve për t’ju ardhur në ndihmë startup-eve, ofrimi i disa konkurseve të ideve për të incentivuar startup-et, etj.

Lexo: Ministri Shalsi: startupet do të kenë struktura mbështetëse dhe lehtësi

Në lidhje me problemet që ka ekosistemi i startup-eve, të gjithë bien dakord që nuk ka struktura të qëndrueshme, të cilat duhet t’i vijnë në ndihmë ekosistemit, struktura që mund t’i mbështesin financiarisht për periudhën e  inkubimit të startup-eve.

Pjesë e diskutimit ishte edhe drafti i ligjit “startup-eve inovative”, ku disa nga sugjerimet për t’u marrë në konsideratë për këtë draft ligj janë:

  • Duhet të ketë një frymë ose qasje më pozitive ndaj startup-eve. Pasi ligji është ideuar duke marrë të mirëqenë faktin që “startup-et” do abuzojnë me fondet që supozohet se duhet të marrin dhe në draft ligj specifikohet edhe “gjoba” që do të marrë një startup në rast se shkel rregullat. Aty nuk specifikohet se sa është grantit për të cilin startup-et aplikojnë.
  • Centralizimi i mekanizmave që propozohen për të mbështetur startup-et është jo i shëndetshëm.
  • Anëtaret e bordit duhet të përzgjidhen në mënyrë autonome, në mënyrë të tillë që të sigurojnë paanshmëri në vendimmarrje sa i përket startup-eve që do certifikohen si dhe lehtësuesve që do certifikohen.
  • Disa fonde të Startup Albania duhet edhe të menaxhohen edhe nga aktorë që janë duke ndihmuar tashmë ekosistemin e startup-eve.
  • Pse duhet të certifikohet një startup, ku thjesht mjafton që ai të jetë pjesë përfituese e këtij sistemi.
  • Ndoshta startup-et nuk ka pse të regjistrohen si startup-e përderisa supozohet se do të kenë lehtësira financiare
  • Sasia e grantit duhet të jetë e ndryshme për fazat e ndryshme në të cilat është një startup. Një startup në fazë ideje ka nevojë për sasi të vogël ndërsa një startup i cili është në fazën e krijimit të Prototipit ka nevoja të tjera financiare.
  • Koha e inkubimit 24 muaj duhet ndarë në faza, pasi nëse një startup është në fazat e para, 24 muaj janë mjaftueshëm.

Këto dhe shumë të tjera u diskutuan në round table.

Ndërkohë që sugjerimet për draft ligjini e startup-eve vazhdojnë deri me datë 28 nëntor 2020 ju mund të jepni sugjerimet tuaja në link-un Këtu

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0