Ekonomi në Konferencën e BERZH në mbështetje të Këshillit të Investimeve - Business Magazine Albania

Ekonomi në Konferencën e BERZH në mbështetje të Këshillit të Investimeve


Ministrja e Zhvillimit Ekonomik, Turizmit, Tregtisë dhe Sipërmarrjes, Milva Ekonomi mori pjesë në konferencën e BERZH-it në mbështetje të Këshillit të Investimeve.

Këshilli Shqiptar i Investimeve është një platformë e ngritur nga autoritetet shqiptare me mbështetjen e BERZH-it, në vitin 2015, në kuadër të Nismës për Klimën e Investimeve dhe Qeverisjen, për të rritur dialogun midis qeverisë dhe sektorit privat, duke synuar përdorimin e përvojës së sektorit privat për të përmirësuar përmbajtjen dhe prioritizimin e reformave të politikave. Këshilli i Investimeve është, në të njëjtën kohë, një instrument për të përmirësuar klimën e biznesit dhe mundësinë për të tërhequr investime të huaja.

Në fjalën e saj në këtë konferencë, Ministrja Ekonomi tha se BERZH ka një rol të rëndësishëm në Shqipëri, me mbështetjen që i jep sekretariatit të Këshillit të Investimeve. “Këshilli i Investimeve ndihmon qeverinë në dialogun me biznesin, dëgjon, sistemon dhe rekomandon zgjidhje për problemet  e tyre. Por nga ana tjetër, edhe qeveria mbështet punën e Këshillit të Investimeve duke i adresuar, ndjekur dhe zgjidhur shqetësimet e biznesit.

Ministrja Ekonomi vazhdoi fjalën e saj duke përmendur disa tregues pozitiv të ecurisë ekonomike të Shqipërisë duke nisur që nga raporti i fundit i FMN, që vlerësoi reformat aktuale të qeverisë, por dhe raporti i Bankës Botërore ‘Të bësh Biznes’ që e renditi vendin tonë të 58-in nga 190 shtete; Indeksi i konkurueshmërisë globale 2016-2017, ku Shqipëria pozicionohet në vendin e 80 nga 138 vende; Indeksi i Lirisëe Ekonomike, 2017 raportuar nga Heritage Foundation, që e pozicionon Shqipërinë me 64.4 pikë nga 100 të mundshme, në vendin e 65/180 në nivel botëror dhe në vend të 30 në Europë; Liria e Investimeve, 2017 raportuar nga Heritage Foundation, ku vendi ynë vlerësohet mjaft mirë në 70.0 % nga 100% që është vlerësimi maksimal.

Së fundi, ajo shtoi se është shumë e rëndësishme që Këshilli të demostrojë ndjekje të vazhdueshme të problemeve dhe të takohet në mënyrë sistematike. Ajo përmendi dhe faktin se sot sfida kryesore e vendit tonë, lidhet me tërheqjen e investimeve të huaja dhe Këshilli i Investimeve nëpërmjet komunikimit të vazhdueshëm me biznesin, ka ndihmuar në përmirësimin e klimës së biznesit dhe investimeve në vend, me qëllim heqjen e barrierave që pengojnë sipërmarrjen për t’u zhvilluar.

burimi: aida.gov.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0