Studimi, “Përgjigjia e TV-së: Rregulla të reja, role të reja”, i autorizuar nga Thinkbox dhe i udhëhequr nga GroupM, vëzhgoi tipe të ndryshme të përgjigjieve nga reklamat, duke përfshirë reagimet nëpërmjet e-commerce (pra shitjet online), hapësirave fizike të pikave të shitjes dhe telefonatave ndërmjet shumë kanaleve. Në analizë u morën një total prej 1.38 milionë spote televizive, ku shfaqeshin 43 reklamuesë nga 9 sektorë.
GroupM tregoi se mediat nxisnin deri në 39% të shitjeve të reklamuesve në një periudhë afatshkurtër-afatmesme (brenda tre muajve nga përfundimi i fushatës), dhe më hollësisht 33% e shitjeve që nxiteshin nga mediat ishin meritë e reklamimeve nga televizioni, më shumë se nga çdo kanal tjetër shitjeje. 22% vinin nga kërkimet online të paguara, 12% nga shfaqjet online të produkteve, 10% nga filialet, 8% nga fotot, 8% posta direkte, 3% radio dhe 1% kanale të tjera.
Televizioni gjithashtu nxiti një përgjigjie nëpërmjet kanaleve të ndryshme në mënyrë të drejtëpërdrejtë, duke bërë që 31% e të gjitha shitjeve nga media të shpërndahen nëpërmjet telefonit, 35% e shitjeve të shpërndahen nga hapësirat fizike të pikave të shitjes dhe 32% të realizuara nga trafiku në internet (duke përfshirë edhe reklamimin e papaguar).
Përveç kësaj, TV ishte përgjegjës për 44% të të gjitha ndërveprimeve të markave të nxitura nga mediat në Facebook (psh: pëlqimet dhe komentet). Ky efekt i televizionit në Facebook ishte i dyfishtë: në radhë të parë, ekspozimi ndaj reklamave në televizor i bënte konsumatorët që të angazhoheshin direkt në Facebook; së dyti, TV rriste në mënyrë domethënëse volumin e shitjeve dhe direkt pas blerjeve konsumatorët linin përshtypjet e tyre në Facebook.
Dhe një tjetër zbulim intersant i GroupM ishte se 80% e përgjigjieve gjeneroheshin pasi një shikues e kishte parë reklamën për të parën ose të dytën herë. Kjo sugjeron se fushatat me përgjigjie të drejtëpërdrejtë duhet të maksimizojnë numrin e individëve ndaj të cilëve ekspozohet reklama dhe duhet të minimizojë numrin e herëve që një person i vetëm i ekspozohet reklamës kur ai kishte parë deri në dy herë të njëjtën reklamë. Kjo do të ishte zgjidhje më e mirë se investimet e vazhdueshme në fushata të tilla që kanë një frekuencë të lartë ditore për impresionimin e publikut.
“Kemi nevojë të ndryshojmë mënyrën se si planifikojmë për të blerë një televizor, një sfidë për agjensitë e mediave dhe për pronarët e mediave,” ka thënë David Beale, Zëdhënës për Mediat në MediaCom.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
