Në edicionin e katërt të Start-Up City, festivalit të ideve dedikuar nxënësve dhe studentëve, kanë konkurruar plot 62 ide biznesi, prej të cilave 14 do të kalojnë në fazën finale.
Finalistët do të jenë pjesë e një Bootcamp-i dy ditor në datat 19-20 Maj dhe eventi përmbyllës do të organizohet në datën 27 Maj, duke shpërblyer edhe idenë fituese me 2,500 euro.
Projektet që kalojnë në fazën finale janë:
- AlbWork
- Biodiesel
- Student Life
- Diversi8
- Dasnja’s Raspberries
- Dentisti IM
- Infoinvest
- Tirana RoboTech
- Zogu Group
- The Automatic Drawers system
- 3R
- Zheklik
- Ray of Self
- Smart Parking Tirana
Lexo: Je startup apo inkubator? Tani mund të aplikoni për grante
Start-Up City është kthyer në një event traditë për fuqizimin dhe aplikimin e ideve të biznesit nga ana e nxënësve dhe studentëve, si organizim i përbashkët i Universitetit Metropolitan Tirana, Metropolitan Incubator dhe Fakultetit të Ekonomisë, Universiteti i Tiranës.
Përveç çmimit të madh prej 2,500 euro, çmime janë rezervuar edhe për idenë e dytë më të mirë e cila shpërblehet me 1000 euro dhe ideja e tretë me ofrimin e mentorimit dhe inkubimit në Metropolitan Incubator. Gjithashtu për triumfuesin në çmimin “Sipërmarrësi Individual” ofrohet një bursë e plotë studimi në Universitetin Metropolitan Tirana. Fitues do të ketë edhe në kategoritë “Best Pitch” dhe “Best Woman Entrepreneur”.
Ky edicion zhvillohen nën kujdesin e World Business Angels Forum Albania, që hap dyert për një gamë të gjerë mundësish shumëpalëshe për bizneset e reja shqiptare për t’u angazhuar me tregjet globale dhe investitorët e huaj.
Partnerë zyrtarë të Start-Up City 4 janë EU for Innovation, GIZ Albania, TUMO Tirana, Business Magazine dhe Albania Tech.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
