Duket sikur ata gjithmonë ofrojnë të njëjtat këshilla: Zgjimin e hershëm. Kevin O’Leary, Anna Wintour, dhe President Obama janë midis të shumtëve të atyre që zgjohen sapo lajmëron agimi dhe më pas u përvishen punëve.
Tashmë, ekziston edhe një studim i ri i cili përforcon edhe më shumë përfitimet që vijnë nga zgjimi herët në mëngjes. Sipas rezultateve nga studimi i Shkollës së Mjekësisë Feinberg në Northwestern University, i publikuar në ‘ScienceDaily’, etja deri vonë mund të jetë një prej mënyrave më të pashëndetshme për t’i dhënë startin ditës suaj. Nga 96 pjesëmarrësit në studim, ata të cilët flinin vonë merrnin vendime jo të shëndetshme gjatë ditës. Ata hanin më shumë ushqime të shpejta, më pak perime dhe nuk ishin aq aktivë fizikisht.
E sidomos studimi ishte më shumë real për pjesëmarrësit meshkuj në studim.
Studimi ndoqi të rritur të shëndetshëm rreth moshës 18-50 vjeç, të cilët flinin rregullisht më shumë se 6 orë e gjysmë çdo natë.
/Artikulli u publikua më parë në faqen 46 të numrit 11 të revistës Business Magazine Albania. Ju mund të Shfletoni Këtu nr. 11 të saj.
Për shtatë ditë, pjesëmarrësit mbanin ditar të ushqimeve që konsumonin, gjithashtu edhe byzylykë ‘SenseWear’ për gjurmimin e aktivitetit fizik. “Rezultatet që morëm na ndihmojnë të kuptojmë më mirë se si oraret e gjumit përveç zgjatjes së tij, ndikojnë në riskun e obezitetit,” ka thënë hulumtuesi kryesor dhe profesori i asociuar i neurologjisë Kelly Glazer Baron rreth gjetjeve të studimit.
“Ka mundësi që sjelljet e një diete të dobët mund t’i predispozojnë individët të cilët flenë deri vonë ndaj një risku më të madh për shtimin në peshë.”
Kërkuesit nuk pretendojnë se zgjimi vonë shkakton marrjen e vendimeve jo të shëndetshme nga njerëzit në po atë ditë.
Ata thjesht raportojnë se ‘njerëzit e mëngjesit’ tentojnë të hanë më mirë dhe të lëvizin më shumë. Studimi nuk dha ndonjë teori për këtë.
Mbase, sepse njerëzve, të cilët flenë vonë nuk u ka kapërcyer kurrë ndërmend të shkonin te pista e vaprimit ose të hanin një sallatë me spinaq për drekë gjënë e parë kur zgjohen. Ata që zgjohen herët e bëjnë ndoshta këtë sepse ata e kanë planifikuar ditën e tyre ose e shpenzojnë mëngjesin duke përgatitur vakte të shëndetshme për të gjtihë ditën.
/Artikulli u publikua më parë në faqen 46 të numrit 11 të revistës Business Magazine Albania. Business Magazine Albania është revista e parë dixhitale me përmbajtje origjinale në shqip të orientuar nga fusha e biznesit. Ju mund të Shfletoni Këtu nr. 11 të saj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
