Në javët e fundit, disa përdorues kanë filluar të vërejnë një ikonë në formë rakete në aplikacionin e tyre Facebook në celular.
Ikona, e pozicionuar afër ikonës së “News Feed”, ju tregon një lloj ndryshe lajmesh, duke treguar postime popullore nga persona që ju nuk i keni miq dhe faqe që nuk i keni pëlqyer.
“Raketa” ofron përmbajtje lokale, kështu që është e mundur që ajo të jetë duke treguar mesazhe që janë të njohura në afërsi të vendndodhjes tuaj gjeografike. Por aty mund të shihni dhe disa postime që janë të rëndësishme për interesat tuaja, kështu që nuk do të distancoheni plotësisht nga preferencat / miqtë tuaj.
Kjo ikonë e re duket të jetë shumë e ngjashme me dritaren “Explore” në Instagram, e cila ju tregon postime që algoritmet e kompanisë kanë përcaktuar që mund të jenë të rëndësishme për interesat tuaja.
Kjo nuk është hera e parë që Facebook është duke testuar një lloj ndryshe të lajmeve në një nënbashkësi (zakonisht të vogël) të përdoruesve të saj. Për shembull, në Prill të vitit 2016 ne kemi parë një stil të ri të lajmeve që tregojnë histori të grumbulluara rreth temave të caktuara.
Burimi: mashable.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
