Dyshohet se ka shpërndarë informacione private të miliona të miturve, BE-ja heton Instagramin - Business Magazine Albania

Dyshohet se ka shpërndarë informacione private të miliona të miturve, BE-ja heton Instagramin

Instagrami po hetohet nga Komisioneri i Mbrojtjes së të Dhënave të Irlandës (DPC) lidhur me trajtimin e të dhënave personale të fëmijëve në platformë. Pronari i aplikacionit të Instagramit, Facebooku mund të përballet me një gjobë të madhe nëse zbulohet se Instagrami ka thyer ligjet e privatësisë. Dyshohet se rreth 5 milionë adresa emaili dhe numra telefoni që u përkasin fëmijëve mund të jenë zbuluar nga Instagrami. Kjo, në një përpjekje për të marrë një pasqyrë më të thellë se si po funksionojnë postimet e tyre.  Alex Meron-McCann, i firmës së sigurisë kibernetike McAfee, ka paralajmëruar se kjo mund të ketë pasoja të tmerrshme për adoleshentët. “Meqenëse këto detaje janë publike në llogaritë e biznesit, fëmijët që përdorin Instagram në këtë mënyrë mund të kontaktohen nga çdokush,“- ka thënë ai. Sipas shkencëtarit të pavarur të të dhënave, David Stier, miliona adoleshentë po konvertojnë profilet e tyre në llogari biznesi.

Hetimet nisën pas një sërë ankesash kur Instagrami bëri që informacioni i kontaktit në llogaritë e biznesit të ishte publikisht i dukshëm për këdo që hyn në aplikacion. Një numër i gjigandëve të teknologjisë amerikane e kanë selinë e tyre evropiane në Irlandë dhe DPC është rregullatori kryesor i Bashkimit Evropian, nën Rregulloren e Përgjithshme të Mbrojtjes së të Dhënave të BE-së (GDPR), e cila hyri në fuqi në 2018.

LEXO: Instagram do të fshehë komentet negative

DPC është përgjegjëse për mbrojtjen e të drejtës së individëve për privatësi në internet dhe ka fuqinë të vërë gjoba të mëdha. Rregullatori Irlandez po heton nëse Facebook ka një bazë ligjore për përpunimin e të dhënave personale të fëmijëve dhe nëse përdor mbrojtje dhe kufizime adekuate në Instagram për fëmijët. Veçmas, po heton gjithashtu nëse Facebook ka respektuar kërkesat e GDPR-së në lidhje me profilin e Instagramit dhe cilësimet e llogarisë. Po hetohet nëse Facebooku po mbron në mënyrë adekuate të drejtat e mbrojtjes së të dhënave të fëmijëve si persona vulnerabël.

Mosha minimale për të pasur një llogari në Instagram është 13 vjeç. “Instagrami është një platformë e mediave sociale e cila përdoret gjerësisht nga fëmijët në Irlandë dhe në të gjithë Evropën. DPC ka monitoruar në mënyrë aktive ankesat e marra nga individë në këtë fushë dhe ka identifikuar shqetësime të mundshme në lidhje me përpunimin e të dhënave personale të fëmijëve në Instagram, të cilat kërkojnë shqyrtim të mëtejshëm.”- tha Graham Doyle, një nënkomisar i DPC-së.

BBC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0