Ekspertët thonë se dyndja e investimeve kineze në Shqipëri është e lidhur edhe me zhvillimet në ekonominë globale, vecanërisht rënien e interesave në tregjet financiare.
“Investitorë të rëndësishëm në Lindjen e Largët dhe Kinë kanë rezerva të mëdha likuiditeti. Në qoftë se më parë këto rezerva investoheshin në bonde të qeverisë amerikane apo aksione tani kinezët duan që në vend që të kenë letra me vlerë në duar duan kompani që prodhojnë”, shprehet Ardian Hackaj, Drejtori i Institutit për Bashkëpunim dhe Zhvillim.
Për Ilia Kriston ardhja e kapitalit kinez është një zhvillim i mirëpritur për ekonominë.
“Në çdo rast ky është një lajm i mirë por do ishte një lajm i mirë kur Shqipëria të jetë e qartë mbi detyrimet që merr përsipër dhe sa të sigurtë jemi që ato do t’i zbatojnë angazhimet që marrin në kushtet e investimeve të drejt për drejta të huaja”, thotë Ilia Kristo, Profesor i biznesit ndërkombëtar, fakulteti i Ekonomisë.
Ndaj sipas ekspertëve, Shqipëria duhet të vendosë një kontroll më të fortë mbi investimet e huaja për të shmangur përvojat negative të së shkuarës.
“Sepse dhe po i shitëm dhe 5 gjëra që na kanë ngelur, problemi është që investitorët duhet të provojnë sa eksporte gjenerojnë, sa vende pune krijojnë, sa vlerë krijojnë në vend, sa nuk ndotin mjedisin”, thotë Kristo.
“Duhen bërë kujdes nëse janë bazuar në Kinë, apo në Hong Kong dhe kemi prapë një lëvizje aksionesh në zona offshore” shprehet Hackaj.
Kompanitë kineze kanë blerë së fundmi dy nga koncesionet më të mëdha në vend, aeroportin e Rinasit dhe vendburimin e Patos Marinzës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
