Droni i ambulancës që mund t’iu shpëtojë jetën


Një student gjerman ka krijuar një prototip të një ‘droni ambulancë’, i cili arrin në kohë te viktimat për t’ju shpëtuar jetën.

Disa e përdorin dronin për të bërë video e foto spektakolare, të tjerë për të fluturuar një flamur mbi një stadium e së fundmi për të shpërndarë dhe pizza.

Lexoni: Posta Franceze ka filluar dërgimin e pakove me anë të Dronëve

Por ky student 23 vjeçar e pa dobinë e dronit në një fushë tjetër.

Alec Momont, inxhinieri i cili e ka ndërtuar dronin thotë se ai fluturon me një shpejtësi prej 100 km në orë.

I pajisur me 6 helika, droni në ngjyrë të verdhë mund të mbajë pesha deri në 4 kilogramë.

Lexoni: Droni më i shpejtë në botë

‘Rreth 800,000 njerëz në Europë vuajnë nga ataku kardiak çdo vit dhe vetëm 8% arrijnë t’i mbijetojnë,’ tha Momont.

“Arsyeja kryesore për këtë është shpejtësia relativisht e gjatë me të cilën shërbimi emergjent arrin të përgjigjet, që është rreth 10 minuta. Ndërkohë që vdekja e trurit dhe dëmtime të tjera ndodhin në katër apo gjashtë minuta,” shtoi ai.

Droni ndjek telefonatat emergjente dhe përdor GPS për t’u orientuar.

Prototipi tashmë ka tërhequr interesin e shumë shërbimeve emergjente duke përfshirë dhe Amsterdamin.

/LinkedIn

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale