Drejtuesi i Ericsson kritikon ndalimin e Huawei në rrjetin 5G

Huawei

Drejtuesi ekzekutiv i Ericsson ka kritikuar vendimin e vendit të tij, Suedisë për të ndaluar Huawei në rrjetet e saj të telekomit 5G, duke argumentuar se një veprim i tillë kufizon konkurrencën dhe tregtinë e lirë dhe do të çojë në një vonesë në përdorimin e teknologjisë së re.

Borje Ekholm, shefi ekzekutiv i rivalit suedez Ericsson, tha për Financial Times se ishte “e rëndësishme që këto vendime të rishikohen”. Ai shtoi: “Për Ericsson dhe Suedinë është e rëndësishme të bazohemi mbi tregtinë e lirë. Ne mbështetemi mbi mundësinë për të tregtuar lirshëm. Nga perspektiva ime është e rëndësishme që të kemi tregje të hapura dhe konkurrencë të lirë”.

Ekholm tha se e kupton që rrjetet celulare janë një çështje e sigurisë kombëtare dhe “gjithnjë e më shumë do të jetë kështu”. Por, ai argumenton se Suedia ka devijuar nga udhëzimet e BE-së për rrjetet e sigurta 5G, të cilat synojnë të ekuilibrojnë nevojën për sigurinë kombëtare me konkurrencën e lirë.

Lexo: A do të financojë Nokia në sektorin 5G

Thirrja tashmë ka bërë që rregullatori i telekomunikacionit të Suedisë të shtyjë një ankand të spektrit 5G këtë muaj dhe Z. Ekholm tha se pret që shtrirja e përgjithshme e rrjeteve të reja të telekomunikacionit të vonohej.

Ekholm vuri në dukje se ndërsa Ericsson konkurroi “shumë” me Huawei, ajo gjithashtu bashkëpunoi me të lidhur me standardet e industrisë. “Është e rëndësishme ta ruajmë standardin”, tha ai. Shefi ekzekutiv i Ericsson shtoi: “Unë i përkas asaj kategorie që beson se konkurrenca na bën të jemi një kompani e mirë në një periudhë më afatgjatë. Mund të jetë e dhimbshme për një periudhë afatshkurtër, por na shtyn të jemi më novatorë dhe të bëjmë produkte më të mira për klientët tanë në periudhë më afatgjatë”.

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale