Si mund ta bëni këtë?
Bëni një bisedë të shkurtër me një të huaj. Nëse kjo duket shumë frikësuese, të paktën bëni kontakt me sy dhe buzëqeshni me një të huaj.
Ka shumë mundësi për ta bërë këtë pa u zhytur në biseda të turpshme dhe të çuditshme. Për shembull, ju mund ta përshëndetni dikë kur jeni në ashensor. Ose mund t’i buzëqeshni dikujt në autobus.
Mbi të gjitha, është e rëndësishme ta bëni këtë: largojeni telefonin tuaj nga duart për disa minuta. Kur je duke pritur në radhë ose kur je në ashensor, fute telefonin në xhep dhe buzëqeshi dikujt. Kur e bëni këtë, ka më shumë gjasa të bëni një bisedë të mirë sesa ta shikoni çdo minutë ekranin e telefonit.
Pse duhet të bisedoni me të huajt
Një studim i hershëm nga psikologët Elizabeth Dunn dhe Gillian M. Sandstrom zbuloi se bashkëveprimet sociale midis të huajve mund të përmirësojnë gjendjen shpirtërore të njerëzve. Edhe pse shumica e njerëzve nuk kanë dëshirë të fillojnë biseda në publik me dikë që nuk e njohin, shumica e atyre që e bënë këtë, raportuan se janë ndjerë më pozitivë.
Mjaft u fshehët pas telefonave tuaj
Duke u mbështetur në këto rezultate, Dunn udhëhoqi një studim të ri për të eksploruar nëse telefonat inteligjentë mund të na pengojnë për të bërë biseda të mira. Studimi është titulluar me vend, “Telefonat inteligjentë e pakësojnë buzëqeshjen tonë”.
Qeniet njerëzore janë krijesa shoqërore. Megjithatë, sa herë keni qenë të rrethuar nga njerëz që nuk e ngrehin kokën nga telefonat e tyre?
Studiuesit zbuluan se pjesëmarrësit e studimit kishin më pak të ngjarë të fillojnë një bisedë nëse kishin në dorë telefonat e tyre. Të qenit vazhdimisht i lidhur me telefonat tanë, zvogëlon mundësinë që ne të shoqërohemi me njerëzit rreth nesh.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
