Dhoma Ekonomike e Gruas, një nismë bashkuese dhe sfiduese e sipërmarrjes femërore

Dhoma Ekonomike e Gruas

Flet Antoneta Ndreka, Presidente e Dhomës Ekonomike të Gruas

Disa muaj më parë, një grup zonjash të biznesit shqiptar nisën bisedat për t’u bërë bashkë e për të çuar përpara një inisiativë që u finalizua me krijimin e Dhomës Ekonomike të Gruas.

Antoneta Ndreka, Presidente e kësaj dhome, thotë se, “Nisma jonë përkoi me një kohë të vështirë. Na u desh të kujdesemi për familjen, biznesin dhe të gjithë të afërmit tanë, por nuk hoqëm dorë nga inisiativa dhe tashmë përmes tryezave të rrumbullakëta, takimeve formale dhe informale kemi nisur aktivitetet tona”.

Ajo kujton se sipërmarrja femërore sot është një realitet që përbën rreth 30% të bizneseve në Shqipëri sipas statistikave zyrtare, por të gjithë jemi të qartë që gratë janë pjesë aktive në pronësi dhe në drejtimin e sipërmarrjeve, sepse për shkak të madhësisë, kohës së aktivitetit dhe mentalitetit, ne vijojmë të mbetemi një shoqëri ku familja mbetet ende shumë e fortë dhe e lidhur. Biznesi familjar është më i zakonshmi i biznesit shqiptar, ndërsa bizneset e mirëfillta korporative në Shqipëri mungojnë.

Ndreka thekson se, “gratë kanë një aftësi të admirueshme për t’u përshtatur, kanë ndjeshmëri dhe gjatë gjithë kohës kërkojnë të rregullojnë (drejtojnë) proceset brenda shtëpisë e biznesit të tyre. Ne jemi të sigurta që të bashkuara mund të bëjmë më shumë, mund të kontribuojmë krahas burrave për të përmirësuar mjedisin e të bërit biznes në Shqipëri, të ndajmë ide të reja, të bëhemi së bashku e të formulojmë strategji e politika që suportojnë bërjen biznes në Shqipëri. Objektivi është të ndërtojmë marrëdhënie të reja, të zhvillojmë projekte të reja, të frymëzojmë të rinjtë e të rejat dhe t’i nxisim ata drejt inovacionit e sipërmarrjes, të zhvillojmë kapacitetet e bizneseve tona, të ndërveprojmë e të rrjetëzohemi. Kështu të mundemi të bëhemi një zë që kontribuon për një Shqipëri më të mirë.

Diversiteti është një nga veçoritë e Shekulli 21. Burrat dhe gratë duket që gjithnjë e më shumë po ndajnë midis tyre përgjegjësi në familje dhe jashtë saj. Tashmë është e pranuar që ky diversitet përmirëson performancën ekonomike e organizative të kompanive dhe pse jo të shoqërive. Ky diversitet dhe roli i gruas në shoqëri e ekonomi nuk është lehtë i pranueshëm edhe në shoqëri të zhvilluara, sipas Antoneta Ndrekës, por përmes Dhomës Ekonomike të Gruas do të përpiqemi të rrisim së pari: vetëbesimin dhe së dyti do të sfidojmë veten pëmes bashkimit e ndërveprimit. “Shumë shpejt, Dhoma Ekonomike e Gruas nis fushatën e anëtarësimit të zonjave që kanë në pronësi, në bashkëpronësi, që drejtojnë biznese, apo janë profesioniste të lira. Përmes shumë takimeve e bashkëbisedimeve do të mund të strukturojmë qëllimet tona, të suportojmë njëra tjetrën, të bëhemi një zë e të shkojmë së bashku drejt sfidave të reja. Gratë janë të mrekullueshme, fuqia jonë e frymëzimit, e lidershipit, e komunikimit e fleksibilitetit dhe e pasionit, do të bëjnë të suksesshme dhe këtë sipërmarrje tonën të re dhe le të bashkojmë anët tona pozitive me ato të burrave për të patur një Shqipëri më të mirë”.

Antoneta Ndreka është sipërmarrëse e kompanisë së prodhimit ushqimor “Lufra”, prej mëse 20 vitesh, dhe drejton prodhimin dhe menaxhimin e cilësisë.

 

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale