Dënohet me vdekje vrasësi serial i “Twitter” - Business Magazine Albania

Dënohet me vdekje vrasësi serial i “Twitter”

Një gjykatë në Japoni ka dënuar me vdekje një burrë të quajtur “vrasësi i Twitter” për vrasjet në vitin 2017, të nëntë njerëzve me të cilët ai u miqësua në internet, pasi ata i shprehën se kishin menduar të vrisnin veten. Takahiro Shiraishi, 30 vjeç, pranoi se kishte mbytur dhe copëtuar viktimat e tij, tetë prej të cilave ishin gra, gjatë 3 muajve. Viktima më e re ishte 15 vjeç dhe më e madhja në moshë, 26.

“Asnjë nga viktimat nuk pranoi të vritej, as me një “aprovim të heshtur”, tha gjykatësi Naokuni Yano, sipas kanali NHK. “Është jashtëzakonisht e rëndë që u morën jetët e 9 të rinjve. Dinjiteti i këtyre viktimave u shkel me këmbë.”

NHK tha se 435 njerëz ishin në radhë për 16 vendet në galerinë publike, të etur për të parë përfundimin e një rasti që tronditi njerëzit dhe iu rikujtoi atyre se sa të vëmendshëm duhet të jenë ndaj rrjeteve sociale, sidomos të rinjtë që po luftojnë me shëndetin mendor. Shiraishi, i cili kaloi pesë muaj duke iu nënshtruar testeve psikiatrike para se të akuzohej në vitin 2018, përdorte Twitter për të gjetur njerëzit që kishin diskutuar se do i jepnin fund jetës së tyre.

Me anë të mesazheve, ai iu premtonte atyre se do zbatonte planin që ata kishin dhe madje do vdiste përkrah tyre. Profili i tij në Twitter shkruante: “Unë dua të ndihmoj njerëzit që kanë vërtet dhimbje. Ju lutem më shkruani në çdo kohë. ”

LEXO: Themeluesi i Twitter: rrjetet sociale krijojnë varësi

Avokatët e mbrojtjes kishin bërë thirrje që Shiraishi të mos dënohej me vdekje, sepse akuza duhej të ishte “vrasje me pëlqim”, në bazë të mesazheve që viktimat e tij kishin lënë në biseda. Babai i njërës prej viktimave, një grua 25-vjeçare, i tha gjykatës së rrethit Tokio se ai kurrë nuk do ta falte Shiraishi

Krimet e Shiraishi dolën në dritë në tetor të vitit 2017, kur oficerët e policisë vizituan apartamentin e tij dhe gjetën frigoriferë dhe kuti mjetesh, që përmbanin mbetje njerëzore, gjatë kërkimit për një grua 23-vjeçare, e cila më vonë u identifikua si një nga viktimat e tij.

Japonia i ka rezistuar presionit ndërkombëtar për të hequr dënimin me vdekje, i cili mbetet i popullarizuar në sondazhet e opinioneve. Të burgosurit e dënuar zakonisht kalojnë vite me radhë në dënimin me vdekje dhe u jepet pak informacion për ekzekutimin e tyre, duke shtuar kritikat nga grupet e të drejtave të njeriut.

GUARDIAN

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0