“T’u kërkosh qytetarëve të qëndrojnë në shtëpi, e të ndalosh lëvizjen e popullsisë, do të thotë të blesh kohë e të reduktosh trysninë ndaj sistemit shëndetësor. Por këto masa nuk mjaftojnë për të shuar pandeminë”, tha drejtori i përgjithshëm i OBSH-së, Tedros Adhanom Ghebreyesus.
Lexoni: OBSH: Koronavirusi mund të mbijetojë në ajër
OBSH këshillon këto 6 hapa, që duhen zbatuar për të sulmuar koronavirusin:
- Zgjeroni, trajnoni dhe përgatisni burimet njerëzore të kujdesit shëndetësor dhe shëndetit publik në shërbim të situatës së re të krijuar.
- Zbatoni një sistem për të gjetur çdo rast të dyshuar në nivel komuniteti.
- Rrisni prodhimin, kapacitetin dhe disponueshmërinë e testimit.
- Identifikoni, përshtasni dhe pajisni objektet, që do të përdorni për të trajtuar dhe për të izoluar pacientët.
- Zhvilloni një plan dhe proces të qartë për të karantinuar kontaktet.
- Përqendroni të gjitha burimet qeveritare për frenimin dhe kontrollimin e COVID-19.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
