Çmimi i naftës në SHBA bie nën zero për herë të parë

Çmimi i naftës ka rënë nën zero në Shtetet e Bashkuara, për herë të parë në histori.

Si rezultat, firmat e naftës kanë marrë me qira çisterna, për të ruajtur furnizimin e tepërt dhe që ka detyruar çmimin e naftës amerikane të shkojë në shifra negative.

Çmimi i një fuçie të West Texas Intermediate (WTI), standardi për naftën amerikane, ra aq shumë sa shkoi në minus 37.63 dollarë për fuçi.

“Kjo është jashtë llogaritjeve,” tha Stewart Glickman, një analist i kapitalit energjetik në CFRA Research. “Shoku i kërkesës ishte aq masiv sa i ka kaluar të gjitha pritshmëritë e njerëzve”. Rënia e rëndë të hënën u nxit pjesërisht nga një teknik i tregut global të naftës.

Nafta tregtohet me çmimin e saj të ardhshëm dhe kontratat e majit do të skadojnë të martën. Tregtarët ishin të prirur për të ngarkuar ato njësi, për të shmangur marrjen në dorëzim të kostove të ruajtjes së naftës. Çmimet e qershorit për WTI gjithashtu ishin në rënie, por tregtimi llogaritej me mbi 20 dollarë për fuçi. Ndërkohë, Brent Crude – standardi i përdorur nga Evropa dhe pjesa tjetër e botës, e cila tashmë është duke u bazuar në kontratat e qershorit – ishte gjithashtu më e dobët, nën 8,9%, më pak se 26 dollarë për fuçi.

Z. Glickman tha që përmbysja historike e çmimeve ishte një kujtesë e tendosjeve, që po përballet tregu i naftës dhe paralajmëroi që çmimet e qershorit gjithashtu mund të bien, nëse izolimi vazhdon. “Unë me të vërtetë nuk jam optimist në lidhje me perspektivat për kompanitë e naftës ose çmimet e naftës,” tha ai.

Lexo: Coronavirus, Vendet e G20 shtyjnë borxhet e shteteve të varfra

OGUK, biznesi për sektorin e naftës dhe gazit në Mbretërinë e Bashkuar, tha se çmimi negativ i naftës amerikane do të prekte firmat që veprojnë në Detin e Veriut.”Dinamika e tregut amerikan është e ndryshme nga ajo nëMbretërinë e Bashkuar, por ne nuk do t’i shpëtojmë ndikimit”, tha shefja e OGUK, Deirdre Michie.”E jona nuk është vetëm një punë tregtare; çdo qindarkë e humbur parashikon më shumë pasiguri mbi vendet e punës”, tha ajo.

Industria e naftës është duke luftuar me kërkesën e ngadaltë dhe luftën midis prodhuesve për uljen e prodhimit. Në fillim të këtij muaji, anëtarët e OPEC dhe aleatët e saj firmosën një marrëveshje rekord për të zvogëluar prodhimin global me rreth 10%. Marrëveshja ishte ulja më e madhe në prodhimin e naftës, që është parë ndonjëherë. Por, shumë analistë thonë se shkurtimet nuk ishin aq të mëdha sa të bënin ndryshime.

Nuk u desh të kalojë shumë kohë që tregu ta kuptojë se marrëveshja OPEC + nuk do të jetë e mjaftueshme, në formën e saj të tanishme, për të balancuar tregjet e naftës, “tha Stephen Innes, shefi strategjik i tregut global në Axicorp. Eksportuesit kryesorë – OPEC dhe aleatët si Rusia – tashmë kanë rënë dakord të ulin prodhimin me një sasi rekord.

Në Shtetet e Bashkuara dhe gjetkë, bizneset që prodhojnë naftë kanë marrë vendime tregtare për të ulur prodhimin. Por ende bota ka më shumë naftë të papërpunuar se sa mund të përdorë. Dhe nuk ka të bëjë vetëm me faktin nëse mund ta përdorim. Ka të bëjë edhe me faktin nëse ne mund ta ruajmë atë derisa izolimet të lehtësohen mjaftueshëm për të gjeneruar disa kërkesa shtesë për produktet e naftës.

Kapaciteti po mbushet shpejt në tokë dhe në det. Ndërsa ky proces vazhdon, ka të ngjarë të ulet më tej çmimi i naftës. Do të duhet një rikuperim i kërkesës, për ta stabilizuar tregun dhe kjo do të varet nga mënyra se si shpaloset kriza shëndetësore.

Presidenti amerikan, Donald Trump, ka thënë se qeveria do të blejë naftë për rezervën kombëtare të vendit. Por shqetësimi vazhdon të rritet sepse objektet e ruajtjes në SH.B.A. do të mbushin kapacitetin, në rezervat Cushing, pika kryesore e shpërndarjes në Sh.B.A për naftë, duke u rritur gati 50% që nga fillimi i marsit, sipas ANZ Bank.

BBC