Për ty që përdor Netflix, tani fatura do të rritet.
Këtë javë kompania ka nisur email-e për të regjistuarit në platformë, për një rritje që do të pësojë abonimi.
Një rritje e vogël u pa në muajin Janar. Sipas kompanisë, kjo do t’a ndihmonte të rriste të ardhurat dhe të shtonte më shumë shfaqje televizive dhe filma.
Ky email është një kujtesë për një rritje nga 1 deri në 2 dollarë. Çmimi i abonimit bazik do të rritet me 8 deri në 9 dollarë në muaj, abonimi standard, që përfshin cilësi HD, do të rritet nga 11 deri në 13 dollarë në muaj dhe çmimi për abonimin premium do të rritet nga 14 në 16 dollarë.
Netflix gjithmonë ka investuar për një përmbajtje origjinale. Në vitin 2018 kompania ka mbledhur 8 miliardë dollarë për filma dhe shfaqje të reja.
Sipas disa analistëve të CNN Business, mendohet se njerëzit janë të gatshëm të paguajnë më shumë për sa kohë që Netflix ofron një shumëllojshmëri serialesh dhe përmbajtje të pëlqyeshme për publikun.
Por në vitin 2019, pritet që Netflix të përballet dhe me konkurrentë të rinj.
Së fundi Apple ka zbuluar TV+, shërbimin e tij që do të ofrojë përmbajtje origjinale, përfshirë dhe serinë e dokumentarëve nga Oprah Winfrey dhe një dramë më aktorët Reese Witherspoon, Jennifer Aniston dhe Steve Carell. Ende nuk është njoftuar data e lançimit për publikun. Gjithashtu, listës i bashkohen dhe Disney, NBCUniversal dhe WarnerMedia, që planifikojnë të ofrojnë një shërbim të ngjashëm këtë vit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
