Cili është qyteti më i mirë në SHBA për të filluar një startup? (Nuk është në Silicon Valley)


Mendojeni bashkimin me komunitetin e startup-eve në këtë qytet perëndimor, që gjeneron kthime të mëdha në investime.

Pasi skena e startup-eve në Silicon Valley është “tejmbushur”, qytetet në vende të tjera kanë filluar të duken shumë më tërheqëse për startupet dhe për sipërmarrjet e reja.

Ndërkohë që San Francisco vazhdon të mbetet lider për startupet, kompania hulumtuese e investimeve PitchBook vendosi të shikonte në rajone dhe qytete të tjera vetëm për të qenë i sigurt.

Tronditëse por ata gjetën se “Bay Area” nuk ka përqindjen më të lartë të startupeve fitimprurëse. Për më tepër, disa nga tregjet më të vogla ishin shumë më të dobishme se sa qytetet e mëdha si New York dhe Los Angeles. Por kush ishte më fitimprurëse nga të gjitha? Chicago.

Chicago, 45% e investimeve sjellin 10 herë më shumë kthim të investimit. Chicago u rendit në pozicionin më të lartë në të gjithë bordin, me 81% të startupeve të saj, të cilat prodhojnë 3% deri në 10% të investimit fillestar. New York doli i treti poshtë Chicago dhe Raleigh në vendin e dytë.

Qytetet me të paktën 30 startup-e janë përfshirë në grupin e të dhënave të PitchBook. Ajo tha se edhe Chicago dhe Raleigh kishin vetëm 31 startupe që plotësonte kërkesat e përfitimit. New York City ka 98 startup-e. Si rajoni më i madh i startupeve,”Bay Area” ka 613.

Kjo është një fitore e madhe për Chicago-n. Fred Wilson, bashkë-themelues i “Union Square Ventures”, e quajti Chicago-n si qytetin e tretë më të mirë për të filluar një startup, pas Silicon Valley dhe qyteteve si New York City, Los Angeles dhe Boston.

Burimi: inc.com

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale