Cili është motivimi kryesor i punonjësve për gati gjysëm shekulli


 

Njohja e punonjësve është çelësi për zhbllokimin e besnikërisë dhe të performancës së Gjeneratës Z. Këtu janë tre gjërat që menaxherët duhet të komunikojnë kur njohin punonjësit.

Pas shqyrtimit të katër studimeve të ngjashme të motivimit të punonjësve të kryer në vitet 1946, 1980, 1986 dhe 1992, Carolyn Wiley, Kryesuesi i Departamentit për Menaxhim, Udhëheqje dhe Burime Njerëzore në Universitetin Roosevelt, zbuloi përgjigjet më të mira. Ato janë: “puna interesante” , “paga të mira”, dhe “përfshirja”.

Megjithatë, gjatë 46 viteve të studimeve, vetëm një përgjigje u citua çdo herë në mesin e dy motivimeve kryesore …

“Vlerësim i plotë i punës së bërë”.

Njohja në punë është thelbësore. Megjithëse Millennials dhe Gjenerata Z mund të kenë ritëm të ndryshëm për njohjen (vlerësimin për pozicionin e punës), krahasuar me gjenerata të tjera. Njohja e punës theksohet gjithnjë në mënyrë universale nëpër breza. Megjithatë, nuk praktikohet në mënyrë universale.

Lexo: 7 rituale motivimi në mëngjes

Sipas Ëiley, “Më shumë se 80 % e mbikëqyrësve pohojnë se shpesh shprehin vlerësim ndaj vartësve të tyre, ndërsa më pak se 20 % e të punësuarve raportojnë se mbikëqyrësit e tyre shprehin vlerësim herë pas here”.

Është e qartë se ka një hendek njohës. Ky boshllëk ka gjasa të zgjerohet pasi Gjenerata Z hyn në fuqinë punëtore me orekset e reja dhe pritshmëri për mënyrën se si, kur dhe përse menaxherët do t’ua njohin punën apo promovojnë.

Në të kaluarën, njohjet ishin vjetore, tremujore, apo më së miri, mujore – prandaj ishte popullariteti i programeve të “punonjësit të muajit”.

Falë konvergjencës së teknologjisë celulare dhe kërkesës së informacionit, Gjenerata Z pret që njohja të jetë më personale, më e dobishme dhe më e shpeshtë – më afër javës sesa në vit.

Në fakt, sipas një studimi të ri nga Instituti i Punësimit në Kronos dhe Ëorkplace Future, 32% e kësaj gjenerate e mat suksesin në bazë të njohjes që merr nga menaxherët. Njohja nga menaxherët në këtë rast, renditet e dyta në kushtet per sukses, duke u vendosur pas “respektit nga bashkëpunëtorët”.

Krahas kësaj, sipas të njëjtit studim, pothuajse një e treta e Gjeneratës Z është e motivuar të punojë më shumë dhe të qëndrojë më gjatë në një kompani nëse gjejnë një menaxher përkrahës dhe 37% kurrë nuk do të tolerojë një menaxher të padëshirueshëm.

Menaxherët mbështetës duhet të përpiqen të komunikojnë këto tri gjëra kur njohin punonjësit e Gjeneratës Z:

  1. Unë e njoh punën tënde të mirë
  2. Unë të vlerësoj
  3. Ne po shkojmë së bashku

Mbusheni ambientin e organizatës suaj me mirënjohje dhe vlerësim dhe do të shpërbleheni me besnikërinë dhe performancën e lartë të Gjeneratës Z.

Përktheu Alfres Zylyftari

INC

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale