Cilët janë hulumtuesit më të mirë në botë të biznesit?

Cilët janë hulumtuesit më të mirë në botë të biznesit?


*Nga Forbes

 

Profesori i Harvard Business School, Michael Porter është mendimtari më me influencë në botën e biznesit, sipas Thinkers50, një renditje e sapolançuar, e cila realizohet nga një firmë që drejtohet nga britanikët Stuart Crainer dhe Des Dearlove, konsulentë, autorë dhe trajnerë biznesi. Lista të cilën Crainer dhe Dearlove e inauguruan në 2001-in është konsideruar si Oskar i Hulumtimit në Menaxhim. 50 emrat u zbuluan në një mbrëmje gala të së premtes, mbajtur në Londër dhe sponsorizuar nga kompani si Japan’s Fujitsu.

Michael Porter-mendimtar-hulumtues-businessmag

Thinkers50 e quan 68-vjeçarin Porter “babain e strategjive moderne të biznesit”. I konsideruar si një ekspert i konkurrueshmërisë, ai ka dhënë konsulencën e tij për dhjetëra korporata, madje edhe për një numër të qeverive kombëtare duke përfshirë atë të Mbretësrisë së Bashkuar.

“Libri i tij ‘Five Forces Framework’ (Korniza e Pesë Forcave) ka qenë përqasja absolute për dekada dhe vazhdon të përdoret në çdo shkollë biznesi në botë,” thuhet në shpalljen e çmimeve Thinkers50.

Teoria e Porterit thotë se janë pesë forca, të cilat përcaktojnë intensitetin e konkurrueshmërisë dhe tërheqjen në një industri të caktuar. Forcat përfshijnë: kërcënimin ndaj produkteve dhe shërbimeve zëvendësuese, kërcënimi i rivalëve të fortë dhe kërcënimi i konkurrentëve të rinj në industri. Së bashku me konsulentin e menaxhimit Mark Kramer ai ka artikuluar konceptin e “ndarjes së vlerës”, koncept që lidhet me rritjen e përftimeve të kompanive duke adresuar problemet sociale. Në të njëjtën listë të vitit të kaluar Porter ndodhej në pozicion të shtatë.

Clayton Christensen-mendimtar-hulumtues-businessmag

Pas Porterit, në pozicionin e dytë vjen Clayton Christensen, sërish profesor i Harvardit, 63 vjeç, i cili qëndroi në vend të parë të listës në 2011-ën dhe 2013-ën. Këtë vit ai është në vend të dytë. Libri i tij i vitit 1997, Dilema e Inovatorit (Innovator’s Dilemma) është konsideruar si vepra e tij klasike. Ai prezanton idenë e inovacionit “përçarës” dhe shpjegon se si praktikat e menaxhimit që i bëjnë kompanitë liderat e industrisë, janë po ato që e bëjnë të vështirë për kompanitë të zhvillojnë ato lloj teknologjish “përçarëse” që nismat e reja mund t’i përdorin për të “pushtuar” tregje të reja. Christensen, i cili i ka mbijetuar një goditjeje zemre dhe kancerit, është gjithashtu autor edhe i “How Will You Measure Your Life” (Si mund të masësh Jetën), sesi njerëzit mund t’i japin kuptim jetës së tyre personale.

Chan Kim dhe Mauborgne-mendimtarë-INSEAD-biznes-businessmag

W. Chan Kim dhe Renée Mauborgne, një dyshe profesorësh nga INSEAD, marrin vendin e tretë. INSEAD është një shkollë biznesi në Francë me kampuse në Fontainebleau, Francë; Singapor dhe Abu Dabi. Kim dhe Mauborne jetojnë të dy në Francë. Ata shkruan bestsellerin “Strategjia e Oqeanit Blu” (Blu Ocean Strategy), në të cilin thuhet se organizatat duhet të fokusohen në hapësirat e “oqeanin blu” të tregut të cilat nuk kërcënohen nga rivalët. “Mos konkurro, por krijo!” është motoja e tyre. Thinkers50 thotë se libri i tyre u përqafua nga kompanitë, organizatat jo fitimprurëse dhe qeveritë kombëtare nga e gjithë bota, përfshirë atë të Malajzisë, të cilën ajo e ka adaptuar si strategjinë e saj kombëtare.

 

Ju rekomandojmë të lexoni edhe Keni “ngecur” në avion? Ja çfarë librash duhet të lexojnë sipërmarrësit.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0