“China Pacific Construction Group”, kompania kineze e ndërtimit, më e madhja për nga të ardhurat, nënshkroi një marrëveshje me vlerë 1.72 miliardë dollarë për ndërtimin e një autostrade midis Malit të Zi dhe Shqipërisë.
Duke iu referuar një njoftimi të vetë kësaj kompanie kineze “Reuters” shkruan se:
“Ndërtimi i kësaj lidhjeje 280 kilometra do të nisë në pjesën e dytë të vitit 2016 dhe do të përfundojë në vitin 2018”, ka deklaruar presidenti kësaj kompanie, Yan Jiehe, në një konferencë për shtyp në Pekin.
Kjo kompani planifikon të përdorë tarifat e rrugës si kolateral për këtë projekt, tha Yan. “Financimi për autostradën Shqipëri-Mali i Zi duhet ende të finalizohet”, shtoi ai.
Në prill të këtij viti, Yan Jiehe, President i “China Pacific Construction Group” u prit në një takim nga ministri i Transportit dhe Infrastrukturës, Edmond Haxhinasto ku u disktua shqyrtimi i mundësive për investime në sektorë të infrastrukturës.
/Shekulli/
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
