Çfarë janë menaxhimi, brandi, lidershipi dhe suksesi


Janë disa nga termat më të kërkuara në motorrin e kërkimit GOOGLE. BusinessMag.al sjell për lexuesin në mënyrë të përmbledhur konceptet bazë pë secilin nga termat: menaxhim, marketing, lidership, brand dhe sukses.
Menaxhimi është një fenomen universal. Është një term shumë popullor dhe i përdorur gjerësisht. Të gjitha organizatat si biznesi, politika, kulturore apo sociale janë të përfshira në menaxhim, sepse menaxhimi ndihmon dhe drejton përpjekjet e ndryshme drejt një qëllimi të përcaktuar. Menaxhimi është si investimi. Qëllimi i tij është që të nxjerrë maksimumin nga burimet, të shtojë vlerën më të madhe ose të sigurojë fitimin më të mirë. Menaxhimi mund të përkufizohet si arritja e qëllimeve në një mënyrë që e bën më të mirë përdorimin e të gjitha burimeve.
Lexo:  Çfarë është menaxhimi

Marka (apo siç njihet në anglisht “Brand”) është identiteti i një biznesi, produkti, apo shërbimi. Gabimisht mund të mendohet se marka është thjesht një emër, por nuk është kështu. Në karakteristikat e markës, përveç emrit bëjnë pjesë edhe shenja dalluese, simbole unike, kombinim ngjyrash, lloj shkrimi, apo një sllogan i caktuar. Një logo e markës mund të ketë ose jo lidhje me emrin e biznesit apo produktit. Mund të jetë një shkronjë, disa iniciale, një simbol, apo një figurë abstrakte. Në rastin e kompanisë ‘Apple’, edhe logoja e saj është një mollë, ose në logon e kompanisë ‘Ford’, i gjithë emri është pjesë e logos. Por, nuk ka pse logoja të ketë patjetër lidhje me emrin, që të jetë e suksesshme.
Lexo:  Çfarë është Marka?

Sapo dëgjojmë fjalën Lidership, na vijnë menjëherë në mendje një sërë imazhesh si: udhëheqës politik, eksplorues, drejtues kompanie. Çdo lider, pavarësisht se çfarë udhëheq, ka një sërë detyrash kundrejt vartësve të tij. Një lider ndihmon të tjerët dhe veten që të bëjnë gjërat e duhura, i drejton të tjerët në “destinacionin e duhur”. Të jesh një lider do të thotë të jesh frymëzues për ekipin tënd, t’i motivosh dhe t’i menaxhosh vizionet e tyre. Lideri është një person me vetëbesim dhe aftësi të mira komunikimi.
Lexo:  Çfarë është lidershipi?

Kuptimi i vërtetë i Suksesit për secilin prej nesh është i ndryshëm dhe kjo thjesht për faktin se çfarë kërkojmë nga jeta. Dikush kërkon pasurinë, dikush një marrëdhënie të shëndetshme, dikush humbjen e kileve të tepërta, dikush udhëtim rreth botës, dikush të shkojë në Hënë, dikush të jetë nënë dhe shtëpiake e denjë, dikush të ketë karrierë të suksesshme, dikush të kërkojë prindërit, të cilët e kanë lënë në shtëpinë e fëmijës, dikush t’i shërbejë komunitetit, dikush të bëhet prift, e të tjera. Tek të gjitha, suksesi është realizimi i objektivit.
Lexo:  Çfarë është suksesi?

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale