Lexoni: A je një drejtues i mirë? Google të vlerëson në më pak se 5 minuta
Duke përdorur Google Scholar, ju mund të aksesoni këto lloje burimesh:
- Revista
- Ligjërime konferencash
- Libra akademikë
- Para-printime
- Teza dhe disertacione
- Abstrakte
- Raporte teknike
- Literatura të tjera shkencore nga “të gjitha fushat e hulumtimit”
Kush mund ta përdorë Google Scholar?
Çdokush mund të hyjë në bazën e të dhënave dhe të kërkojë. Dhe ndërkohë që është krijuar duke patur në mendje studentët e universiteteve apo akademikë të tjerë, kjo mund t’i ndihmojë ata që shkruajnë dokumente akademike të krijojnë më lehtë bibliografitë, Çdokush mund të përfitojë nga mundësitë e Google Scholar.
Më poshtë BusinessMag ju sjell disa nga shembujt e asaj që mund të bëni përmes Google Scholar:
- Ju mund të krijoni një bibliotekë hulumtimi rreth një teme me interes, si ngrohja globale dhe të krijoni njoftime për të, në mënyrë që të jeni gjithmonë të azhornuar në hulumtimet më të fundit.
- Ju mund të fitoni njohuri më të thella rreth një teme të komplikuar, si studimet në fushën e astronomisë që jeni të interesuar.
- Ju mund të kërkoni për çështje ligjore për të krijuar një kuptim më të thellë të politikës amerikane dhe Gjykatës së Lartë.
Si të aksesoni materialin në Google Scholar?
Google Scholar vetë është pa pagesë për t’u përdorur si një mjet kërkimi. Sidoqoftë, meqë mbledh informacione nga shumë baza të tjera të dhënash, është e mundur që informacioni që doni do të kërkojë login (ose edhe pagesë) për të aksesuar në informacionin e plotë.
Lexoni: Kreu i ri i Google: “Do të përfitojmë më shumë të ardhura nga cloud computing se nga reklamat”
Gjithsesi, prezantimet dhe përmbledhjet e një artikulli ose studimi – zakonisht janë pa pagesë dhe sigurojnë një pasqyrë të asaj që përmban studimi në brendësi.
Praktikat më të mira të Google Scholar dhe këshilla rreth kërkimit
Google Scholar ka një mori artikujsh shkencorë dhe kërkimorë, prandaj është mirë që të ngushtoni kërkimin tuaj për të marrë informacionin më të rëndësishëm. Më poshtë janë disa mënyra për ta bërë këtë:
- Rendisni kërkimet tuaja sipas datës (ose përcaktoni datën e fillimit) për të gjetur të dhënat më të reja dhe më të rëndësishme.
- Shikoni për fjalë kyçe si “të gjitha versionet”, “artikuj related” dhe “cituar nga” për të kërkuar versione pa pagesë të artikujve.
- Shikoni seksionin e referencave të një artikulli për të fituar një kuptim më të thellë të një teme.
Google Scholar ofron një rrugë të shkëlqyer në kërkimet shkencore dhe ndonëse ka mangësitë e veta, është një mjet që mund të përdoret për të ndihmuar në sqarimin, shqyrtimin dhe informimin e përdoruesve për një larmi temash të ndryshme.
Çështja kryesore është të dini se çfarë doni dhe të merrni pak kohë për të rritur aftësitë tuaja kërkimore.
