A je një drejtues i mirë? Google të vlerëson në më pak se 5 minuta

A je një drejtues i mirë? Google të vlerëson në më pak se 5 minuta


Kompanitë e mira krijohen nga lider të mirë.

Por duke qenë se lidershipi është më shumë art se shkencë, si mund të përcaktojmë nëse dikush është një lider i mirë?

Kjo është një pyetje e mirë, për të cilën Google ka marrë shumë kohë dhe punë për t’iu përgjigjur. Një nga kompanitë më teknologjike në botë vë në punë superfuqitë e saj analitike për të përcaktuar se si ndërtohen dhe drejtohen ekipet e mira.

Me kalimin e kohës, kompania identifikoi sjelljet kryesore të menaxherëve të saj më të mirë. Më pas Google filloi të pyes anëtarët e ekipit t’u përgjigjen pyetjeve të mëposhtme në një shkallë nga 1 (jam dakord) në 5 (nuk jam dakord):

Këto janë pyetjet vlerësuese të Google :

  1. Menaxheri im më tregon për çdo performancë timen duke më të ndihmuar të përmirësohem.
  2. Menaxheri im nuk mikromenaxhon, nuk merret me detaje që nuk i përkasin.
  3. Menaxheri im tregon respekt për mua si person.
  4. Veprimet e tij tregojnë që ai/ajo e vlerëson perspektivën që unë sjell në ekip dhe nëse kjo ndryshon nga mendimi i tij/saj.
  5. Menaxheri im e kanalizon fokusin e ekipit në prioritetet që japin më shumë rezultat.
  6. Menaxheri im rregullisht ndan informacione për komunikimet me drejtuesit sipër tij/saj.
  7. Menaxheri im diskuton rregullisht me ekipin për zhvillimin e karrierës këto gjashtë muajt e fundit.
  8. Menaxheri im transmeton objektiva të qarta për ekipin.
  9. Menaxheri im ka ekspertizë teknike dhe është i aftë të më menaxhojë edhe mua.
  10. Unë do t’ia rekomandoja menaxherin tim edhe ekipeve të tjera në Google.
  11. Unë jam i/e kënaqur në përgjithësi për performancën e tij/saj si menaxher.

Më pas Google u kërkoi punonjësve të plotësojnë dhe dy pyetje të tjera:

  1. Çfarë do të doje që menaxheri yt të mos ndryshonte?
  2. Çfarë do të doje që menaxheri yt të mos e bënte më?

Kujdes! Vetëm pyetja nr.9 u kërkon punonjësve të vlerësojnë aftësitë profesionale të një menaxheri.

Menaxherë të mirë janë ata që i ndihmojnë ekipet të kenë sukses

Të gjitha përveç një pyetje fokusohen në aftësitë soft si: komunikimi, feedback-u, drejtimi, puna në grup, respekti dhe konsiderata.

Edhe pse po flasim për kompaninë Google, ku aftësitë teknike profesionale janë tepër të rëndësishme, në drejtimin e njerëzve mesa duket prioritet janë aftësitë njerëzore, komunikimi, delegimi, krijimi i një sensi autonomie dhe qëllimi.

Drejtuesit e mirë sigurojnë standarde dhe guida udhëzuese që u japin punonjësve autonomi dhe liri në punë, në mënyrë që ata të jenë më efektivë.

Mua më intereson më shumë kur diçka është “e imja”. Kujdesem më shumë për të kur mendoj se kam përgjegjësinë dhe autoritetin jo vetëm për ta bërë atë që më është thënë, por për të bërë atë që është e drejtë.

Drejtuesit e mirë i lejojnë punonjësit të kthejnë “duhet” në “dua”, sepse kjo e transformon një punë në diçka më kuptimplotë: një shprehje të aftësive unike, talenteve dhe eksperiencave të çdo personi.

/INC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0