Një samit i inovacionit do të mbahet me 7 Tetor tek ArTurbina.
Ide inovative dhe investitorë ëngjëj do të kenë mundësi për të mbështetur apo zhvilluar projekte të përbashkëta.
Për të folur për këtë në takimin e radhës të “Business Date“, është ftuar Fabiola Duro, themeluese dhe drejtuese e INNVEST.
Ajo na flet rreth sfidave, komunitetit të startupeve dhe organizimit në një vend dedikuar artit. Sipas znj.Duro, si arti edhe inovacioni nuk kanë kufij, ndaj është zgjedhur një mjedis i tillë si ArTurbina.
Tashmë ka kaluar faza e përzgjedhjes dhe 10 idetë novatore, me një prototip apo produkt të gatshëm, do të mund të prezantohen para investitorëve potencialë.
Komuniteti i biznesit me një qasje drejt inovacionit i përket kryesisht industrisë bankare, Fintech, circular economy, innovative solution, e-health, edtech, fintech, e-platforms, biotech, social innovations, etj. Por, siç thekson znj. Duro gjatë intervistës, mundësitë janë të hapura në të gjitha drejtimet. Gerti Boshnjaku, drejtues i platformës AlbaniaTech do të moderojë prezantimin e 10 startup-eve përpara investitorëve që më pas do të vendosin se cila prej tyre është një ide në të cilën ia vlen të investohet. AlbaniaTech, platforma kryesore e Startupeve dhe Inovacionit në Shqipëri do të mbështesë Samitin përgjatë gjithë eventit dhe më tej. Për më tepër informacione rreth këtij partneriteti vizitoni albaniatech.org.
INNVEST po ndikon si një katalizator në qasjen mes sipërmarrësve dhe inovatorëve, ku mes tyre do të ketë takime direkte dhe raunde negociatash. Startupet më të mira do të bëhen pjesë e Wolves Summit në fund të muajit Tetor, krahas shumë mundësive të tjera që premton samiti i inovacionit në Shqipëri. Ndër të ftuarit kryesorë janë: Erion Veliaj, Kryetar i Bashkisë së Tiranës.
Për këto dhe më shumë jeni të ftuar të ndiqni intervistën me Fabiola Duron, të Enjten, 30 Shtator, ora 20: 15 në kanalin tonë në You Tube dhe në Mediat Sociale.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
