Sipas Institutit të statistikave, gjatë 2018-ës u dhanë gjithsej 1194 leje ndërtimi, 46% më shumë se një vit më parë.
Tirana vijon të kryesojë në numrin e lejeve, dhe sipërfaqen e ndërtimeve të reja. Mbi 30% e të gjitha lejeve u dhanë këtu, mbi 60% më shumë se një vit më parë.
Ritmet e lejeve dhe ndërtimeve janë shtuar në muajt e fundit të vitit. Instat vëren se gati gjysma e lejeve për ndërtime në kryeqytet u dhanë në tremujorin e fundit të vitit.
Lexo: Ndërtimet gjithnjë e më shtrenjtë
Vitin e kaluar në Tiranë e rrethinat e saj u miratuan për ndërtim hapësira me sipërfaqe 940 mijë metra katror, 80% më shumë se një vit më parë.
Agjentët e tregut imobiliar i druhen një oferte të shtuar, që mund të ndikojë në rritjen e stoqeve të banesave dhe zyrave.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
