Prodhimi industrial në Britaninë e Madhe shënoi rënien më të madhe në 17 vitet e fundit, gjatë muajit prill. Krahas shtyrjes së çështjeve të Brexit, prodhuesit e makinave përshpejtuan planet e tyre për mbylljen e aktivitetit.
Bloomberg shkruan se, rënia me 3.9%, më e madhja që nga qershori 2002, bëri që ekonomia të tkurret për të dytin muaj resht, sipas Zyrës Kombëtare të Statistikave.
Prodhimi i automjeteve ra me një të katërtën (gati 25%)
Prodhimi i Brendshëm Bruto në Britani ra 0.4%, sipas Bloomberg, rënia më e madhe mujore që nga marsi 2016 duke e vendosur ekonominë në një rënie të fortë këtë tremujor. Rritja ekonomike në tre muajt e fundit ishtë më e ulët se parashikimet. Po ashtu edhe monedha vendase paund shënoi një ulje të lehtë.
Fabrikat patën një bum në fillim të vitit, pasi kompanitë kërkuan mallra stok për të shmangur ndërprerjet e furnizimeve përpara afatit të vendosur të 29 marsit, për t’u larguar nga Bashkimi Europian. Por, ndërsa Brexit po shtyhet deri në tetor, urdhrat po zvogëlohen pasi kërkesa po plotësohet me produktet në magazinë.
Bloomberg shkruan se, një goditje të mëtejshme në sektor dhanë prodhuesit e makinave, përfshirë BMË dhe Peugeot, të cilët përshpejtuan mbylljen në verë. Prodhimi i automjeteve ra 24%, niveli më i lartë që nga nisja e regjistrimit të këtij prodhimi në vitin 1995, edhe pse ekonomistët presin që humbja të rimëkëmbet pjesërisht. Dobësi ka pasur edhe në sektorë të tjerë, duke përfshirë prodhimet farmaceutike, metalet dhe kimikatet.
Panorama thekson dobësinë e parashikimeve ekonomike ndërsa vazhdojnë të rriten pasiguritë e Brexit.
Ndërtimi dhe shërbimet kryesore në industri nuk arritën të mbështesnin ekonominë britanike në prill.
Ndërtimi ra 0.4% në një muaj. Prodhimi i Përgjithshëm Industrial ra gati 3% më e larta nga 2012.
PBB u rrit 1.3% ndaj një viti më parë, dhe ishte 1.9% më pak se një muaj më parë
- Deficiti tregtar u tkurr në 12 miliardë paund, pas krijimit të stoqeve muajt e parë të vitit si nga Britania edhe BE.
- Për nga vëllimi eksportet ranë 10.9% në prill, niveli më i lartë që nga 2006; importet ranë 14.4%, rënia më e lartë që nga 1998
- Edhe prodhimi i pajisjeve të transportit ra 13.4%, niveli më i lartë i rënies që nga viti 1974.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
