Kjo temë u përmend papritur kur BBC pyeti Rick Osterloh, nënkryetarin e lartë të pajisjeve dhe shërbimeve në Google, nëse dikush me pajisje inteligjente në shtëpinë e tyre duhet t’i paralajmërojë mysafirët e tyre për këtë fakt.
Të përgjohesh ka qenë e mundshme për shumë dekada. Por, asnjëherë më parë nuk ka qenë kaq e lehtë, e përhapur dhe madje përtej kontrollit të njerëzve që përdorin teknologjinë. Altoparlantët inteligjentë raportohet se janë problematikë kur bëhet fjalë për privatësinë – për shembull, Alexa e Amazon monitoroi bisedën private të një çifti dhe i dërgoi një kopje të bisedës dikujt tjetër.
Lexoni: Një bug (gabim) në Apple Watch mundësoi përgjimin e iPhone-ve
Sa miliona nga këto pajisje janë duke na përgjuar?
Ekziston mundësia që dikush të na regjistrojë me dashje – qoftë në audio apo video – për ndonjë arsye të pazbuluar. Ndoshta për të turpëruar ose lënduar dikë.
Një person mund të zbulojë informacion të ndjeshëm tregtar në një mjedis që supozohet të jetë privat dhe konfidencial. Informacioni mund të jetë në lidhje me planet e biznesit ose për zhvillimin e një produkti të ri. Ndoshta ju jeni një sipërmarrës dhe keni një ide që nuk dëshironi t’ua kopjojnë menjëherë. Ose mund të diskutoni për kushtet e pagës në një intervistë pune.
Nëse keni një pajisje të mençur në zyrë, mbase duhet t’i paralajmëroni njerëzit që ekziston një shans që ata mund të përgjohen, edhe nëse nuk keni ndërmend ta bëni këtë. Ose mbase duhet të pyesni çdo herë që merrni pjesë në një takim të çfarëdo lloji nëse dikush po bën një përgjim.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
