Bleta e Artë, vlerësohen 10 sipërmarrje dhe 2 administratorë publikë

Bleta e Artë, vlerësohen 10 sipërmarrje dhe 2 administratorë publikë


Për të pestin vit radhazi, sipërmarrje dhe administratorë të instutucioneve publike, përzgjidhen për një vlerësim për punën dhe rezultatet e tyre. ‘’Bleta e Artë’’, një aktivitet i përvitshëm, i iniciuar nga Kryeministri Edi Rama, ka vlerësuar këtë vit 10 kompani dhe 2 administratorë, për kontribute të ndryshme në ekonominë e vendit.

Kryeministri Rama ka theksuar gjatë fjalë së tij se, ‘’ ia vlen të bëjmë çmos që djemtë e vajzat në këtë vend ta shikojnë të ardhmen e tyre si sipërmarrës dhe patjetër që figura e sipërmarrësit e vendosur në dritat e skenës ndihmon pak, por sidoqoftë më shumë se sa në errësirë për t’u thënë vajzave e djemve të këtij vendi që çdo ëndërr që shikoni me sy hapur është e arritshme’’.

Ai ka theksuar njëkohësisht, se kompanitë vijojnë të kenë mangësi në punonjës profesionistë duke nënvizuar se, ‘’e vërteta dramatike është se në të gjitha kompanitë tuaja, sikundër secili prej jush mund ta dëshmojë, por dhe në të gjitha kompanitë e mëdha dhe të mesme të vendit, ka punë, ka vende pune sot, por mungojnë të rejat e të rinjtë apo në tërësi individët me përgatitjen e nevojshme për të mbuluar nevojën për atë vend pune specifik’’. Pasojë kjo sipas tij, e fokusit për vite të tëra në arsimin universitar, duke lënë në hije arsimin profesional.

Krahas çmimeve të përvitshme, risi e 2018-ës janë çmimet si sipërmarrja turistike dhe përgjegjësia sociale.

Ja kush janë fituesit:

Çmimi “Made in Albania” = Euro Fish

Çmimi “Green” = EuroElektra Shpk

Çmimi “Inovacon” = Aplication Development Management

Çmimi Sipërmarrja Turistike = Out Door Albania

Çmimi “Biznesi Gjithëpërfshirës” = Berat Konfeks

Çmimi “Start Up” = Alb Industria

Çmimi “Praktika Profesionale” = Marin spa

Çmimi “Përgjegjësia Sociale” = Yunus Social Business

Çmimi “Gratë Sipërmarrëse” = Fed Invest

Çmimi “Punëdhënësi i Vitit” = Foshner

Çmimi “Administrator i vitit’’ = Perlat Kapisyzi, Drejtor i Siptalit Universitar “Shefqet Ndroqi”.

Çmimi “Administratorja e vitit”= Vasilika Vjero, Drejtore e Përgjithshme e Tatimeve.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0