BlackBerry dhe TCL i do t’i japin fund partneritetit në gusht 2020
Përditësuar së fundmi: 06/02/2020

BlackBerry dhe TCL do t’i japin fund partneritetit në gusht 2020

Share
nga Melsena Danglli
Shk 06, 2020

Ndryshime të mëdha po vijnë për BlackBerry dhe TCL, duke qenë se tregu i Smartphone është gjithnjë në përmirësim. Dyshja ka lajmëruar se do i japë fund bashkëpunimit të tyre teknologjik të liçensuar4 vjeçar, në gusht të vitit 2020.

TCL deri tani ka dizejnuar dhe hedhur në treg pajisjet hardware të celularëve BlackBerry. Ajo bashkëpunon me vetëm 1% të të gjithë smartphone-ve që kërkojnë shërbime hardware. TCL do të vazhdojë të punojë me modelet smartphone që janë në treg deri në 31 gusht 2022.  “Ne…me keqardhje ju lajmërojmë…se në 31 gusht 2020, TCL communication nuk do jetë më kompania, e cila do merret me dizejnimin e celularëve të BlackBerry”, thuhet në postimin e bërë në llogarinë zyrtare të BlackBerry në Twitter. TCL nuk ka më të drejtë të dizejnojë apo shesë asnjë nga celularët e BlackBerry.

Lexo këtu: BlackBerry liçenson kompaninë kineze TCL, për prodhimin e telefonëve BlackBerry

BlackBerry ka qenë lider në botë për celularë në kohën kur i krijonte celularët dhe u integronte sistemin operativ të krijuar prej kompanisë së tyre. Kjo periudhë suksesi ka qenë para se të dilte në treg ekrani me prekje. Pasi Apple lançoi iPhone-in e parë, BlackBerry vuri re se klientët po largoheshin.

Pas kësaj BlackBerry u mënjanua nga tregu i celularëve dhe u fokusua tek siguria, shërbimet sipërmarrëse dhe sistemet derisa u shfaq TCL.

TCL lajmëroi gjatë dhjetorit 2016 se do bashkëpunonte me BlackBerry për të prodhuar pjesët hardware të celularëve, por jo sisteme operative të tyre. Vitet e fundit është vënë re një ulje e përgjithshme e zhvillimit të Smartphone-ve në shumë vende të botës. Si pasojë e uljes së interesit për celularët e kompanisë, BlackBerry dhe TCL morën vendimin për të ndërprerë bashkëpunimin.

techcrunch

 

Subscribe në kanalin tonë në YouTube


Evente