Komisioni i ekonomisë po zhvillon sot një seancë dëgjimore me grupet e interesit për paketën fiskale 2016. Përfaqësuesit e biznesit janë shprehur kundër rritjes së akcizë së birrës. Luan Bregasi, kreu i Biznes Albania tha se taksat vendore janë shumë të larta krahasuar me vendet e rajonit.
“Ne jemi dakord për formalizimin e ekonomisë por mbetemi të mendimit për një raport sa më të drejtë. U bë shumë mirë që u la një periudhë vetë rregullimi deri në 31 dhjetor por biznesi do të detyrohet të paguajë tatim fitimin mbi xhiron. Taksa vendore mendoj se janë shumë të larta krahasuar me vendet e rajonit. Sidomos kjo taksë është e lartë për fasonët”, tha Bregasi. Ai u ndal edhe tek rritja e akcizës së birrës që sipas tij rrit koston për konsumatorët e investitorët.
Edhe Stefan Pinguli, përfaqësues i prodhuesve të birrës u deklarua kundër rritjes së akcizës për birrën vendase.
“Rritja e akcizës për birrën tonë dëmton prodhimin. Shteti të mbrojë më shumë prodhimin vendas”, tha Pinguli.
Kreu i Dhomës së Tregtisë dhe Industrisë në Tiranë Nikolin Jaka është shprehur pro heqjes së taksave të biznesit të vogël por kundër ndryshimit të fashës së TVSH-së, pasi sipas tij rrit informalitetin. “Jemi pro heqjes se taksave për biznesin e vogël. Por jo ndryshimin e fashës se TVSH-së se rrit informalitetin”, tha Jaka.
/Balkanweb/
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
