Biznesi i shpërndarjes ka rritur shpejtësinë. Mes tyre edhe Turbo, një startup i ri


E gjithë bota është “mbyllur”. Një skenar që nuk e kishim pare as imagjinuar ndonjëherë, e që ngjason me filmat fantashkencë Hollivudiane. Në një skenar të tillë, bizneset po drejtohen drejt online, si e vetmja zgjidhje për të mbijetuar nga kjo luftë me armikun e padukshëm ku na kërkohet të rrimë në shtëpi e të mos dalim. Na kërkohet të luftojmë me zakonet tona më të fuqishme si dalja për të blerë ushqime, fruta, perime, barna, veshje, pije, etj.

Me deklarimin e karantinës dhe orareve të kufizuara për të dalë, qoftë edhe për blerje të domosdoshme, shumë rrjete tregtare, supërmarkete, farmaci, etj po ofrojnë shërbimin në shtëpi. Për këtë, kompanitë e vogla të transportit të shpejtë, janë ato më dinamiket në këtë drejtim. Ne kemi komunikuar me drejtuesit e Turboo.Al

Administratorja Sindi Xhillari tha këtë angazhim dinamik të këtyre ditëve po e bën me kënaqi edhe si një formë ndihme për familjet apo individët. “Është e thjeshtë, nëse Turboo sjell atë që ju nevojitet pa nxjerrrë qytetarët nëpër dyqane, do ta parandalojmë shumëfish këtë epidemi në vendin tonë. Nisma duhet të vijë nga bizneset, me të cilat ne po bashkëpunojmë fort, por mirëpresim edhe të tjerë të na bashkohen. Është privilegj i madh për ne që jemi pjesë e një misioni të vështirë dhe me shumë përgjegjësi”.

Angazhimi i Turboo.al në këtë mision është përshëndetur nga Kryetari i Bashkisë së Tiranës Erion Veliaj. Ai e ka vlerësuar këtë punë të rëndësishme dhe mandje ka bërë turboo.al pjesë të misionit të shpërndarjeve të ndihmave të bashkisë për të gjithë të moshuarit.

Lexo: Turboo.al, aplikacioni inovator i tregut shqiptar

“Faleminderit Turboo.al e cila në këtë situatë të vështirë, ka vendosur të ofrojë shërbimin e ilaceve të të gjithë të moshuarve të Tiranës pa anjë pagesë, duke evituar dhe duke shmangur kështu edhe daljet e tyre për shërbimet spitalore”, shprehet ai në një postim të tijin në rrjetin social instagram.

Sindi gjithashtu thekson se stafi i Turboo.al është i pajisur me të gjitha masat mbrojtëse si maska dhe dorëza.

Sipas Menaxherit të Turboo.al Mariklen Elmazaj, përdorimi i shërbimit delivery në këtë situatë luan një rol të rëndësishëm në ruajtjen e qetësisë dhe mos përhapjes së panikut”.

 

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale