Bitcoin papritmas nën 10,000 dollarë, bie edhe vlera e kriptomonedhave të tjera » Business Magazine Albania – Media Dixhitale dedikuar Sipërmarrjes
Përditësuar së fundmi: 15/08/2019

Bitcoin papritmas nën 10,000 dollarë, bie edhe vlera e kriptomonedhave të tjera

Share
nga Anerola Torollari
Gus 15, 2019
Studied at Faculty of Science, Content Editor Biznesi at Business Magazine
lexo me teper >

Tregjet e Bitcoin dhe të kriptomonedhave të tjera duke përfshirë Ethereum, XRP të ripple dhe Litecoin, së bashku me tregjet tradicionale, janë në telashe duke regjistruar rënie dyshifrore në periudhën e fundit të tregtimit 24-orësh.

Çmimi i bitcoin ka qenë rreth 10,000 dollarëve që nga fundi i Qershorit, por ka luftuar të ngjitet shumë përtej këtij niveli pasi rregullatorët globalë zbuluan se Facebook do të hidhte në treg rivalin e bitcoin.

Tani, bitcoin është zhytur edhe një herë nën shenjën psikologjike të 10,000 dollarëve para se të rikuperohet disi, duke lënë tregtarët dhe investitorët të shikojnë me nervozizëm humbjet e mundshme.

Lexoni: Coinbase po lançon një kartë debiti bitcoin në Europë

“Edhe një herë bitcoin po kërkon mbështetje dhe ka probleme për ta gjetur atë,” shkroi Mati Greenspan, analist i vjetër i tregut në brokerimin eToro.

Ndërsa bitcoin ka rënë me rreth 6% gjatë ditës, bitcoin cash, një variacion i bitcoin origjinal, e ka ulur tregun, duke humbur më shumë se 10%.

Ethereum, XRP e Ripple dhe Litecoin, të cilat midis tyre përbëjnë kriptomonedhat kryesore në krye të kapitalizimit të tregut, kanë rënë të gjitha me 10% – duke fshirë rreth 20 miliardë dollarë nga vlera totale e të gjitha kriptovalutave në vetëm një ditë.

Disa analistë të bitcoin dhe kriptomonedhave kanë spekuluar se rënia e çmimit të bitcoin është një përgjigje për një rikuperim të jenit kinez, ndërsa të tjerët kanë parë telashe në tregjet të sjellë nga lufta e përshkallëzuar e SHBA.

Lexoni: Përgjigjet më të zakonshme në lidhje me pyetjet që bëhen rreth Bitcoin

Ndërkohë, të dhënat e fundit ekonomike nga Kina dhe Gjermania që tregojnë për një ekonomi globale zhgënjyese dhe daljen e afërt të Mbretërisë së Bashkuar nga Bashkimi Europian po shtojnë të gjitha pasiguritë.

/Forbes