BERZH financon 100 milionë Euro garanci në kreditë e Raiffeisen Bank Albania

Banka Europiane për Rindërtim dhe Zhvillim (BERZH) Raiffeisen Bank International (RBI), dhe  Raiffeisen Bank Albania (RBAL) bashkojnë forcat për të rritur huadhënien ndaj bizneseve shqiptare ndërsa vendi përballet me impaktin ekonomik të shkaktuar nga pandemia e koronavirusit.

Nën mekanizmin e ri inovativ “Garanci për Rritje”, BERZH do të ofrojë një garanci për RBAL deri në 100 milionë Euro. RBAL do t’i përdorë kapacitetet e cliruara nga ky angazhim për të rritur huadhënien në ekonominë reale për një vlerë të shumëfishuar të garancisë.

Huatë nën këtë program do të përqëndrohen në mbështetjen e biznesit të vogël, i cili është një segment kyc për ekonominë shqiptare. Të paktën 10 milionë Euro do të jepen për projekte të gjelbra në mbështetje të rritjes së qëndrueshme dhe gjithë-përfshirëse të vendit.

Krahas kësaj, BERZH do të prezantojë një program të dedikuar bashkëpunimi teknik me Bankën e Shqipërisë të fokusuar në përmirësimin e kuadrit rregullator të bankave në vend në përputhje me standardet e bankave në Bashkimin Europian. Programi mbështetet nga Fondi për Bashkëpunim Teknik- Luksemburg-ODA në kuadër të punës së kryer nën programin Vienna Initiative ku BERZH është e angazhuar për ruajtjen e stabilitetit financiar të vendeve europiane në zhvillim duke promovuar njehsimin e kuadrit rregullator të bankave me praktikat më të mira ndërkombëtare.

Jürgen Rigterink, Zëvendës President i BERZH tha: “BERZH është e lumtur të prezantojë një produkt që adreson problematikat kryesore për përmirësimin e qasjes në financime në një kohë kur ruajtja e stabilitetit të biznesve është më e rëndësishme se kurrë. Ne jemi të lumtur për këtë bashkëpunim me partnerin tonë të vjetër Raiffeisen. Besimi i krijuar në shumë vite bashkëpunimi na mundëson të hedhim një hap të madh përpara dhe jemi të sigurtë se e sotshmja shënon fillimin e një tjetër iniciative të përbashkët.”

“Ne jemi të lumtur të bashkëpunojmë me BERZH për këtë produkt inovativ që mbështet ekonominë reale në rajon dhe ndihmon në financimin e projekteve me impakt social e mjedisor” tha Drejtori i Përgjithshëm i RBI Johann Strobl, “Bashkëpunimi ynë dëshmon për fuqinë dhe përfitimet që rrjedhin prej këtij bashkëpunimi dhe të menduarit jashtë standardeve në kohë krizash kur nevojiten zgjidhje të shpejta dhe efektive.”

Lexo: Sektori bankar ka 48 miliardë lekë kredi me probleme

Christian Canacaris, Drejtor i Përgjithshëm i Raiffeisen Bank Albania, tha: “Ne jemi të lumtur për këtë partneritet me BERZH për këtë projekt inovativ. Aftësia e bankave lokale për të mbështetur rritjen e sipërmarrjeve të vogla dhe të mesme dhe korporatave, të cilat janë shtylla të rëndësishme të ekonomisë në Ballkanin Perëndimor shpesh kufizohet nga rregullat në fuqi. Programi do të rrisë kapacitetet huadhënëse të RBAL në sektorin privat në përputhje me nevojat financiare të klientëve të përzgjedhur. Krahas kësaj, përmes marrëveshjes ne do mund të rrisin mbështetjen tonë kundrejt financimit të teknologjive të gjelbra në Shqipëri dhe zhvillimit të qëndrueshëm në vend.”

BERZH ka investuar 1.5 miliardë Euro në 104 projekte në Shqipëri. Strategjia e Bankës përqëndrohet në qeverisjen e mirë, konkurueshmërinë e sektorit privat dhe përfshirjen, diversifikimin e energjisë dhe tranzicionin drejt emetimeve të ulëta të karbonit.

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale