Steve Wozniak i ka dhënë fund përfundimisht “marrëdhënies” së tij me Facebook.
Në një episod të podcast-it të “Steve-O’s Wild Ride!”, Wozniak tha se ai dhe gruaja e tij kohët e fundit çaktivizuan llogaritë e tyre në Facebook për shkak të shqetësimeve në lidhje me privatësinë e të dhënave. “Kur “pëlqen” postimin e një miku, ndërveprimi nuk ka të bëjë me bashkëveprimin me dikë që e njeh”, tha bashkëthemeluesi i Apple, “ka të bëjë me zbulimin e interesave të përdoruesit për reklamuesit.”
Kjo ishte e mjaftueshme për ta mbajtur Wozniak jashtë platformës për një të ardhme të parashikueshme, tha ai, duke vënë në dukje se është “pak i frikësuar” për sasinë e aksesit që Facebook kishte në jetën e tij: “Nga të gjitha Big Tech, Facebook është ndoshta numri 1 që mua nuk më pëlqen.”
Lexo edhe: Gjykata ruse e shpall Metën organizatë ekstremiste, por lejon aktivitetin e WhatsApp
Duke mbrojtur vendimin e tij, Wozniak dukej se i referohej një postimi të vitit 2018 të shkruar nga drejtori i atëhershëm i menaxhimit të produkteve të Facebook, David Baser, i cili shpjegoi se si Facebook dhe partnerët e tij mbledhin dhe ndajnë informacione personale edhe për njerëzit pa llogari.
“Kam lexuar se si mund të rrëmbejë ende të dhëna dhe t’i dërgojë në Facebook, edhe kur nuk jeni duke e përdorur platformën,” tha Wozniak. “Nuk besoj se kjo është e drejtë, sepse ju duhet të jeni të sinqertë, në mënyrë që çdo person që e përdor platformën të dijë se çfarë po bën.”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English