Një në katër shqiptarë figuron në regjistrin e kredive për vitin 2015. Edhe pse nuk është një llogaritje e drejtpërdrejtë, kjo është e dhëna që jep Banka Botërore mbi përqindjen e të rriturve që janë të regjistruar në regjistrin publik të kredive në banka.
Konkretisht në vitin 2015 përqindja e atyre që janë në këtë regjsitër është 27.1 për qind, çka tregon për një rritje të dukshme krahasur me vitin 2014 kur në të njëjtin regjistër ishin 16.7 për qind e popullsisë së rritur në vend. Në vitin 2013 i njëjti regjistër përfshinte 13.1 për qind të popullsisë së rritur kurse në 2012 shifra është 19.7 për qind.
Por çfarë ka parasysh përqindja që jep Banka Botërore kur vlerëson mbulimin e regjistrit publik të kredive. Ky sistem raporton numrin e individëve dhe firmave të listuara në regjistrin publik të kredive me informacionin më të fundit për historinë e ripagesave, borxhet, apo kreditë e vonuara. Numri shprehet si përqindje e popullsisë së rritur pra nga 18 e lart.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
