Ju nuk pyesni
Menaxherët shpesh janë përgjegjës për shumë njerëz. Kështu që mund t’ju duhet të jeni ai që do të vendosni rritjen tuaj të karrierës. Kërkoni pa frikë një promovim. “Bëni një bisedë me temë aktuale”, thotë Joel Garfinkle trajner i drejtuesve ekzekutivë. “Ju duhet të ndani aspiratat tuaja në mënyrë të hapur dhe specifike me shefin tuaj dhe kërkoni të dini saktësisht se çfarë duhet të bëni për t’u promovuar”.
Nuk po tregoni aftësi udhëheqëse
Të bësh mirë punën tënde tregon se je i aftë, por jo domosdoshmërisht një udhëheqës. Prandaj duhet të tregoni se dini të bëni diçka që do të çojë përpara kompaninë. Kjo do të thotë se duhet gjetur mënyra e duhur e shfaqjes së aftësive tuaja të udhëheqjes. Për shembull, ndërmerrni një detyrë të re për të udhëhequr. Ngrini dorën për të menaxhuar një projekt të ri ose dilni vullnetar për të mësuar një sesion në punë në një fushë të ekspertizës suaj. “Merrni në dorë situatën dhe tregojuni të tjerëve që keni aftësi, por që puna juaj nuk j’ua lejon t’i tregoni”, tha Caprino, ekspert në fushën e karrierës.
Jeni shumë i përulur
Askujt nuk i pëlqen të mburreni, por ju duhet të jeni në gjendje të përballoni vështirësitë e punës dhe të tregoni arritjet tuaja. Mungesa e dukshmërisë mund të jetë një pengesë për promovim. Mos u bazoni në faktin se puna juaj e vështirë do të vihet re. Mësoni si të mburreni në mënyrë efektive. Sugjerohet të krijoni raporte të rregullta progresi për shefin tuaj rreth projekteve që po zhvilloni. Mënyra se si ia jepni informacionin, e ndihmoni atë të komunikojë projekte të suksesshme dhe pikërisht kjo do t’ju vendosë në qendër të vëmendjes.
Lexo: Si të arrini suksesin. 7 këshilla nga Kadri Morina
Ju nuk keni marrëdhënie të mira
Është e domosdoshme që njerëzit të kenë respekt për ju. “Nëse shefi juaj nuk ju pëlqen, ju nuk po bëni një promovim”, tha Caprino. Të jesh një lojtar i ekipit është gjithashtu e rëndësishme. “Të punosh mirë me të tjerët është tepër e rëndësishme për njerëzit që të shohin ty si një partner të vlefshëm”, thotë Blair Decembrele, ekspert i karrierës për LinkedIn. Krijimi i mentorëve dhe sponsorëve në të gjithë kompaninë mund t’ju ndihmojnë në ngjitjen e shkallëve të karrierës. Ajo ç’ka keni nevojë është një mentor, sponsor ose dikush nga kompania që i besoni dhe mund t’ju ndihmojë të merrni mësime të frytshme.
Ju nuk i kontrolloni mundësitë për nivelin e ardhshëm
Të jesh i mirë me atë që bën nuk do të thotë që je gati të shkosh në nivelin e ardhshëm. Mos shikoni vetëm përshkrimin e punës së punës tuaj aktuale. Shqyrtoni përgjegjësitë e rolit të mësipërm dhe shikoni se çfarë mund të përmirësoni. Shikoni çfarë kërkohet, shikoni nivelin tuaj pastaj aftësinë tuaj për t’a bërë atë punë dhe më vonë filloni të punoni për mbylljen e këtyre boshllëqeve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
