Apple ka vonuar lançimin e një veçorie që do t’ju lejojë të ruani ID-në tuaj në aplikacionin Wallet të kompanisë. Në një përditësim në faqen zyrtare të iOS 15 që u zbulua nga MacRumors, Apple thotë se funksionaliteti tani do të arrijë në fillim të vitit 2022. Kompania më parë kishte planifikuar të lançohej në fund të 2021.
Apple e prezantoi për herë të parë këtë veçori në WWDC 2021. Në atë kohë, kompania tha se kjo veçori do t’ju lejonte të shtonit patentën ose kartën e identitetit në Apple Wallet ashtu si do të bënit me një kartë krediti ose debiti. Ndër vendet e para që do të mbështesin funksionin do të jenë pikat e kontrollit të Administratës së Sigurisë së Transportit (TSA) në disa aeroporte të SHBA.
Në ato vende, do të keni mundësinë të përdorni iPhone ose Apple Watch për të paraqitur ID-në tuaj në TSA. Ju do ta bëni këtë duke kaluar pajisjen tuaj në një lexues identiteti dhe nuk do t’ju duhet t’ia dorëzoni iPhone ose Apple Watch tuaj një punonjësi të TSA.
Në shtator, Apple njoftoi se tetë shtete do të mbështesin funksionin në fillim, duke filluar nga Arizona dhe Georgia, Connecticut, Iowa, Kentucky, Maryland, Oklahoma dhe Utah. Përtej pikave të kontrollit TSA, Apple tha se shitësit me pakicë dhe vendtakime të ndryshme do të shtojnë suportin më vonë.
Apple nuk ka ndarë një datë specifike të lançimit të funksionalitetit. Ajo që duket qartë është se nuk do të arrijë me iOS 15.2. Ky përditësim është aktualisht në testim beta dhe nuk përfshin suport për ruajtjen e ID-ve dixhitale.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
